前幾日已經做好資料蒐集,知道嚟間cafe係置樂同杯渡附近都有舖頭.今日就出去買埋個晏食,所以近市中心就方便啲.
鋪頭充滿咖啡嘅香味.可能因為疫情同閒日關係,成間舖頭得一張枱有人坐,但係等緊外賣時都陸陸續續有人入嚟買咖啡拎走.
掙扎咗好耐飲唔飲honey latte,但係第一次飲要試就梗係試最普通嘅latte先知好唔好飲㗎嘛. 叫左大杯500ml先$28!會唔會太抵!店主見我對啲蛋糕有興趣都好有耐性介紹俾我,最後我加咗$22要多個tiramisu蛋糕. 咖啡有拉花,味道係我中意嘅,一啲都唔會酸,夠牛奶味但又唔會俾咖啡蓋過.
Tiramisu就唔係正宗版,芝士味唔夠重同埋用咗咖啡蛋糕嚟代替手指餅.下次會想試啲芝士蛋糕同今日見唔到嘅scone
Overall, 嚟個價錢杯咖啡係超值!已經諗緊下次幾時再去過買~
