特登喺晚市開店前去排隊
希望可以第一輪入座
去到前面已經有幾個人等緊
之後仲越來越多人 真誇張
見店主一人主理全店食物
所以入座後仲要等好一會先有得食
好似日式拉麵店咁
全店只出售3款湯底嘅伊麵
海蝦濃湯丶金華火腿雞湯及牛肋骨蕃茄濃湯
全部配搭燒牛肉
▫️海蝦濃湯伊麵 ($98)
▫️金華火腿煲雞濃湯伊麵 ($98)
海蝦濃湯一上桌就聞到蝦香🦐
一嚐湯頭蝦味超濃郁🤩
唔知用咗幾多隻蝦先熬到
伊麵質地爽口有彈性
加上櫻花蝦同蔥花
索晒個蝦濃湯鮮甜香濃好味😋✨
燒牛肉味道更有驚喜😍
落單後老闆先將牛肉切薄片🥩
再用火槍燒熟表面火
保持半生熟
所以牛肉質感軟腍仍帶咬口
最正係煙燻香氣夾肉味！
金華火腿煲雞濃湯都有特色
因為店家湯底真係好足料
但個人私心推介醇厚嘅海蝦濃湯🤭
1
食完終於明白慢工用心出細貨嘅道理
想食高手煮嘅好西一定要有耐性😊
