首先梗係要直入我哋嘅主題啦，就係烤魚啦。因為要遷就妹妹嘅關係所以今次就揀咗一份唔辣嘅烤魚。佢哋可以有好多唔同款式嘅魚類俾我哋選擇👍🏻今次我哋就揀咗蕃茄味，估唔到喎入邊嘅蕃茄份量都幾多，所以味道真係夠晒濃郁。
另外呢我爸爸好鍾意食鴨血㗎，佢話呢間餐廳竟然有鴨血可以單點，佢就即刻叫咗一份放落個鍋度烚完之後佢話覺得好滿足喎🤣果然男人食嘢真係冇乜要求😂有得食已經好開心。
我媽咪呢就叫咗一個烤茄子🍆，佢話見好多枱客都有食所以自己都叫咗一份，估唔到烤得咁香口，佢話真係好值得叫嚟試吓。
我自己呢最鍾意就係佢個杯打卡飲品-藍金橘梳打💜💙藍藍紫紫咁樣真係好夢幻啊，味道有少少酸酸甜甜嘅感覺，我覺得拎嚟消暑就啱晒啦
