天府人家

营业中

休息中

好耐無去過灣仔食lunch , 今次去試下呢間川菜。天府人間既lunch 係set lunch ,有茶茶，然後揀一個小食同main 今次我揀左蓮藕片同酸菜魚薯粉。唔止蓮藕片，仲有木耳/雞等等揀，選擇有六七樣，都唔少，而主食都有唔少選擇。麵飯都有。個蓮藕片唔辣，但做到爽脆，份量都唔少。個薯粉都好食，魚就一般，味道都唔夠濃烈。總括而言，lunch set 食物既調味係偏大眾口味，食辣唔食辣既人都會接受到，但係如果係偏好川味，鐘意重口味既人就未必會滿足到。價錢係灣仔lunch 就一般，人均七八十蚊，但環境係舒服，適合多人一齊食。