影片
更多
2017-07-12
10088 浏览
聽聞港麗酒店嘅自助餐有好多海鮮食，已經好想去試吓，咁啱今日有朋友有兩張贈券，唔得閒去，又就到期，就送咗俾我。嘩……即刻訂枱去試吓喇。去到現場，見到個環境已經覺得唔错，地方寬敝，燈光柔和，加上員工殷勤既態度，已令我心情好好，食慾大增。巡咗一輪，見到食物種類很多，就先來一個蕃茄忌廉湯，熱辣竦，酸酸地，茄味濃，令我胃口大開，就開始我呢晚嘅尋食之旅。最先食回本食物，識食一定揀佢嘅龍蝦、長腳蟹，麵包蟹，呢幾款海鲜味道鮮甜，仲源源不絕供應，不過㕑師可能重手咗，我覺得有少少過鹹。食完見室外有即燒BBQ,有香葉包魚，蝦，龍蝦，雞翼，法蘭克福腸……我怕熱氣，只淺嘗魚和雞翼，覺得無乜特別，就去攞章魚小丸子同鵝肝小丸子食，呢款小食外型做得唔錯，加上紫菜絲，都覺得佢有大阪嘅街頭小食feel呢！此時忽然鐘聲響起，走去八吓，原來係即開平政魚時間到了，聽酒店員工所講，此魚來自九州，是夏季最肥美的魚，冬季就轉劏拖羅。開完之後分享即劏新鮮肥美嘅平政魚，味道唔錯，肉質較結實，口感比三文魚更好。之後我再試佢嘅熱食，豉椒炒蜆，蒜蓉龍蝦，炒蜆好惹味，，但龍蝦嘅蒜頭味唔夠，所以我覺得食凍龍蝦好過。食到飽飽，梗係要食甜品喇！嘩！有
去到現場，見到個環境已經覺得唔错，地方寬敝，燈光柔和，加上員工殷勤既態度，已令我心情好好，食慾大增。
巡咗一輪，見到食物種類很多，就先來一個蕃茄忌廉湯，熱辣竦，酸酸地，茄味濃，令我胃口大開，就開始我呢晚嘅尋食之旅。
最先食回本食物，識食一定揀佢嘅龍蝦、長腳蟹，麵包蟹，呢幾款海鲜味道鮮甜，仲源源不絕供應，不過㕑師可能重手咗，我覺得有少少過鹹。
食完見室外有即燒BBQ,有香葉包魚，蝦，龍蝦，雞翼，法蘭克福腸……我怕熱氣，只淺嘗魚和雞翼，覺得無乜特別，就去攞章魚小丸子同鵝肝小丸子食，呢款小食外型做得唔錯，加上紫菜絲，都覺得佢有大阪嘅街頭小食feel呢！
此時忽然鐘聲響起，走去八吓，原來係即開平政魚時間到了，聽酒店員工所講，此魚來自九州，是夏季最肥美的魚，冬季就轉劏拖羅。開完之後分享即劏新鮮肥美嘅平政魚，味道唔錯，肉質較結實，口感比三文魚更好。
之後我再試佢嘅熱食，豉椒炒蜆，蒜蓉龍蝦，炒蜆好惹味，，但龍蝦嘅蒜頭味唔夠，所以我覺得食凍龍蝦好過。
食到飽飽，梗係要食甜品喇！嘩！有雞蛋仔喎，即整即食，香噴噴，熱辣辣，脆卜卜，將我哋香港嘅街頭小食發揚光大，讚……
甜品款式很多，樣靚又有內涵，我推介小果撻，唔太甜，水果新鲜，係健康人士嘅好選擇。另有一款櫻花布甸，亦係我嘅推介，外型包裝精美，食落仲有陣陣花香，非常特別，仲有佢嘅日式芝士蛋糕，不單止外型精緻，食落淡淡芝士味,是不爱重味芝士人士的必然選擇。
水果亦要一讚，香甜菠蘿和又大又甜又脆嘅車厘子，喺我近期食嘅buffet度好罕見呢！
张贴
