影片
更多
2018-09-15
1311 浏览
有時就係咁唔彩，我仲記得上次專程前來，遇著小店休息，已經係四個幾月前嘅事了。一直都仲有唔少人介紹，見假日冇特別野做，就碰碰運氣。下午茶時間到達，店鋪面積真係好小好小，容納到一張四人枱而已，連凍櫃都要放於店外。原來可能以街坊生意為主，但經媒體介紹後，多左區外人慕名前來。可能我好彩了，門外只有一對情侶等候，好快就成功入座。而其實出品都快，用餐亦唔會据扒咁慢慢食，翻桌率都高嘅。餐牌供應數款蛋治，蛋治特別在麵包同蛋嘅位置係調轉，創意十足。外層為滑蛋，跟住麵包先到內餡。內餡有巴馬火腿、鵝肝、鰻魚、蟹膏等口味，定價$48-68。另有腸粉、魚蛋、燒賣、冷麵等，飲料都幾特別，樽仔奶茶有幾款口味，除左奶茶，仲有伯爵奶茶、馬騮搣奶茶、玫瑰奶茶，且提供少甜配方，仲有金銀菊花茶，定價$20-28，跟餐平少少。等位途中都眼見不少人齋買奶茶外帶，心想質素應該唔錯。巴馬火腿蛋治 $48厚厚嘅滑蛋上面灑上芝士碎、黑椒調味，雞蛋確實滑溜唔老，份量多，比起某啲茶記製作嘅炒蛋出色，只係冇想像中蛋香濃郁。切開蛋治可以見到薄薄嘅麵包、巴馬火腿，麵包被壓到扁扁，蛋多過包嘅情況下，一人之力食完都會有點兒漏。幸好配上微鹹嘅巴馬火腿後
餐牌供應數款蛋治，蛋治特別在麵包同蛋嘅位置係調轉，創意十足。外層為滑蛋，跟住麵包先到內餡。內餡有巴馬火腿、鵝肝、鰻魚、蟹膏等口味，定價$48-68。另有腸粉、魚蛋、燒賣、冷麵等，飲料都幾特別，樽仔奶茶有幾款口味，除左奶茶，仲有伯爵奶茶、馬騮搣奶茶、玫瑰奶茶，且提供少甜配方，仲有金銀菊花茶，定價$20-28，跟餐平少少。等位途中都眼見不少人齋買奶茶外帶，心想質素應該唔錯。
巴馬火腿蛋治 $48
厚厚嘅滑蛋上面灑上芝士碎、黑椒調味，雞蛋確實滑溜唔老，份量多，比起某啲茶記製作嘅炒蛋出色，只係冇想像中蛋香濃郁。切開蛋治可以見到薄薄嘅麵包、巴馬火腿，麵包被壓到扁扁，蛋多過包嘅情況下，一人之力食完都會有點兒漏。幸好配上微鹹嘅巴馬火腿後，味道不俗。
龍鳳鰻魚蛋治 $40
鰻魚蛋治相對較惹味，面頭灑上海苔粉，挺加分的。切開以後就見到燒過嘅鰻魚，陣陣香氣。鰻魚肉唔算厚，但存在感都好強烈，唔會太寒酸。未見細骨，鰻魚汁加上油份令麵包濕笠，變得更薄，確實如果麵包厚啲會減低飽滯感。
腸粉
腸粉相信係來貨，口感滑溜，食落唔夠熱係敗筆。不過無相大雅，反正唔係店家主打。
樽仔奶茶 +$15
奶滑，茶未夠濃。
先食蛋後食治，按照不同款式，搭配不同，好似蟹膏蛋治搭配蟹籽、巴馬火肥搭配芝士，創意、心思兼備。內餡唔係火腿、餐肉之類平價材料，所以唔能夠用平常食份蛋治嘅心去理解價格的，屬於好奇一試嘅產品。
张贴
