Thai Fuhn

营业中

休息中

我同朋友仔去逸東酒店覓食竟然搵到間餐廳可以揀泰國菜同越南菜 甘就唔客氣，叫個二人餐先二人餐都好抵食，一主食，兩小食，兩杯飲品，其實跟朋友食餐飯，可以好簡單。泰式船麵真係好大碗，第一個反應係嘩，兩至三人食都得，麵條爽滑，沾滿湯汁，我下次叫少麵先。配料真係好豐富，豬膶，魚蛋，豆卜，豬紅等等，湯底濃稠，鮮甜，帶點香料的濃烈味道。泰式炒通菜辣得過癮，下次叫少辣，通菜爽口嫩綠，加上指天椒，炸蒜蓉的香味，簡直欲罷不能。即使辣辣地，係會忍唔住係甘食。泰式小食拼盤最岩兩人分享，蝦餅炸至金黃，肉質爽口彈牙，雞翼大隻又脆卜卜，春卷香脆，豬肉串燒到岩岩好，仲有不同的醬汁蘸上，佐酒一流。朋友喜歡嘆支西貢啤酒，可以chill下，我飲柚子特飲，梳打水夠曬氣，甜甜地又潤喉。