南記粉麵 (新都城中心二期)

营业中

休息中

對鍾意食粉麵既我嚟講，米線一直係我至愛。以前港島區返工，可以成個星期既lunch都係食米線，其中最愛嘅就係南記。每次喺南記必點嘅春卷腩肉小鍋米線，酸酸辣辣，真係好好味！可以當時既南記只係開喺香港島。。。終於，南記衝出香港島，嚟到將軍澳！對於唔係住香港島嘅我，真係一個好消息因爲除咗譚仔同米線陣之外，又多一個米線選擇！滿心期待一定要去幫襯！特登搵咗一日夜晚搭車去食。平日收工後7點半咗右嘅店內都唔難搵位，因為多數買外賣。條人龍都唔算長，大約等5-6個人左右。今次，叫咗一個晚餐（有冬菇、魚片、魚肉春卷、腩肉）加豆漿，五十幾蚊。先試一啖湯，冇嗰種酸辣味，味道好淡。冬菇一啲都唔淋，又唔入味；春卷好似粉漿咁，冇嗰種魚肉味；魚片係涷既；只有腩肉正常。總括黎講，真係好失望😞，同香港島嘅南記真係差好遠。嘥咗我搭車錢特登去食，唔會再幫襯呢間。