李家 (華發大廈)

营业中

休息中

李家炸雞係元組級嘅韓國炸雞，佢嘅啤酒炸雞組合份量勁大，價錢又唔貴，唔怪得成日都咁多人排隊。佢分店都幾多, 香港九龍新界都有，今次我哋就去咗灣仔嘅分店試吓係咪真係咁好食先!半半無骨炸雞: 炸雞味道選擇多，好似我呢啲咁貪心嘅人就梗係叫半半炸雞試兩隻味啦！我哋叫咗原味同埋蜂蜜蒜蓉味，原味配咗個燈制韓式辣醬俾你點，炸雞炸到熱辣辣層皮勁脆，入面又唔會好乾，高質！蜂蜜蒜蓉味完全係啱晒我嘅口味，甜甜地加埋大大粒嘅大蒜，非常適合我呢啲重口味人士，必點👍🏻👍🏻👍🏻韓式牛膝湯：個湯唔辣， 好有牛味，飲得出煲咗好耐好足料！入面有好多牛嘅軟骨位，食咗好多骨膠原落肚，勁補👍🏻辛辣麵：食韓國嘢點可以唔食辛辣麵呢？佢呢度嘅面同我哋自己煮嘅唔同，唔知點解比自己煮好食好多！佢上面嗰隻半熟蛋，撈埋啲面一齊食，好正🤤西柚梳打：最後都叫咗杯嘢飲試吓，正常發揮炸雞同韓國食品都非常好食，果然名不虛傳，絕對會返食🥰