龍鳳店

营业中

休息中

每次係元朗想食下午茶又諗唔到食乜既時候都會諗起佢 每次黎都係例牌叫鰻魚蛋治 平時麵包夾住蛋既蛋治就食得多 被蛋包住既蛋治你又食過未？白方包被滿滿既滑蛋包住 吸晒d蛋汁 內裏夾住炙燒過既鰻魚 成個配搭match得好好 除左蛋治出色 呢到既樽仔奶茶都係必飲 最近仲出左用Twinings茶葉沖既伯爵奶茶同馬騮搣奶茶 今次就試左伯爵奶茶 奶同茶既比例岩岩好 入口順滑 帶有醇香既伯爵茶味 驚太甜既話仲有少甜版本可以選擇 有樣野要留意既就係鋪頭地方淺窄 只有一張3人檯 如果要堂食既話通常都要等一等位