凱逸餐室

营业中

休息中

今日係元朗行行下街，都差唔多七點要揾晚餐食啦，係千色附近行左幾轉見到呢間新開既餐廳，就入去試下，環境都幾大，燈光好足足，冷氣都好夠。入到去我地叫椒鹽鮮魷，魚香茄子排骨煲同啫啫雞煲，再加左兩個套餐，一個要左例湯，一個就要左燉湯。首先上黎既就係蟲草雞燉湯，好香好有雞味，我個人好鍾意飲，大家都可以試下。至於例湯就係合掌瓜，煲得好夠時間，夠哂味道。之後上黎既椒鹽鮮魷同平時大排擋既有啲唔同，炸得好脆，金金黃黃既，十分吸引。雞煲都唔錯，有好多雞，夠哂兩個人食。魚香茄子排骨煲就比較特別，排骨同茄子都好夾。有機會黎元朗都可以試下。