Chef's Stage Kitchen (西菁街)

营业中

休息中

因為食生日飯🎊，我地當然唔煮飯出街食好西啦🥳呢間係元朗Chef’s Stage Kitchen平時都有去開食lunch，但就未試過佢既晚餐，原來夜晚係有二人set，一於就試試佢！我地叫左酥皮龍蝦湯、甘筍忌廉湯、巴馬火腿芝士沙律、墨汁帶子鮮蝦意粉同肉眼配龍蝦尾，上枱啲份量都好大碟，會唔會食唔哂架🫣🫃🏾兩個餐湯味道好濃好creamy，個人就欣賞甘筍忌廉湯多啲，忌廉湯係我至愛🤤😌巴馬火腿芝士沙律係用左burrata cheese，口感獨特但唔會好似其他芝士咁滯口🧀，用黎做前菜夠哂refreshing😬墨汁帶子鮮蝦意粉既做法係墨汁加左啲cream落去，而唔似有啲餐廳就咁炒，咁樣唔會乾之餘亦都更加發揮到墨汁本身既香味，更岩我地口味🍤肉眼配龍蝦尾絕對係重頭戲，餐廳👨🏻‍🍳已經好細心將龍蝦尾起肉，所以唔會食到好論盡，同肉眼啖啖肉一齊食🥩🦞二人set之外我地仲叫左杯cocktail同tiramisu，呢兩樣都係打卡之選🤣，杯cocktail上枱既時候會有煙架，忍唔住拍低佢📸。而估唔到個tiramisu真心出色，入口完成度好高🤩，元朗西餐黎講絕對可以話唔錯下次黎要encore!💯