alfafa (樂富廣場A區)

营业中

休息中

今晚同埋個女近近地去樂富廣場搵食，呢間西餐價錢都幾親民，野食選擇仲好多，呢度仲有outdoor 位啱晒小朋友，我地最後叫左個二人餐。✨餐湯羅宋湯酸度啱啱好，仲有好多雜菜好足料，餐包幾高質，外皮脆口內裏帶點煙un 唔錯。✨焗香檸春雞: 熱辣辣新鮮鐵板上，個雞食落好嫩滑切開仲好juicy，加埋檸檬汁同埋蜜糖芥末醬好清新。車厘茄好甜爆汁，薯仔粒香口，如果多d 就好喇。✨Alfafa 海鮮飯：賣相幾吸引，海鮮仲好新鮮爽口，有青口，魷魚，虎蝦，蜆肉，同埋煎香咗嘅鱈魚柳。飯粒粒飽滿分紅，索滿醬汁，加埋入面有洋蔥，紅椒等等更醒胃。✨蝴蝶酥椰子雪糕三文治： 原來係兩塊蝴蝶酥夾住雪糕又幾得意。蝴蝶酥好香甜鬆脆，椰子雪糕唔會太甜仲食到有椰絲，呢個配搭估唔到幾特別又好味。