萍萍上海館

营业中

休息中

今日去左間食上海野既小館，就係青山道既萍萍上海館，鋪頭無好靚既裝，但就有好多食客。😂食上海野我一定要食小籠包、生煎包、鍋貼同豬扒。朋友又叫左啲佢鐘意既野食。小籠包啲人講小籠包要皮薄，用筷子夾起個掟唔會穿，呢度啲小籠包得呀。一咬開記住要啜哂入面濃濃嘅肉汁精華，味道好鮮甜。鮮肉鍋貼鍋貼好大隻又滿滿既饀，煎得脆之餘，呢個都係爆汁架。香酥豬扒 味道夠，豬扒好腍，出面就炸得好鬆脆。生煎包，細細隻。五香牛展，牛展用酸菜襯托，好特別又好食。朋友再叫左下午茶餐，炸銀絲卷、酸辣湯配豆漿。炸銀絲卷，有啲似炸饅頭，外皮炸至金黃色超脆，點埋鍊奶，勁正。 酸辣湯好足料，酸辣度適中。