小曼谷泰國美食 (南角道)

营业中

休息中

餐廳開業多年依然好有人氣，熱門嘅泰國菜式都有齊，除咗泰式火山排骨🌋仲有冬蔭部隊鍋🥘啱晒愛辣嘅朋友🌶️最正係餐廳每日都有特價菜式，$38就食到，呢個價錢去邊度搵🥢🔖［ 香葉肉碎炸蝦膠皮蛋 ］第一次食到呢個配搭，以蝦膠包住皮蛋炸香，口感濕潤Q彈上面鋪上惹味嘅泰式肉碎同香葉，帶嚟微微酸辣味好開胃🔖［ 泰式鮮蝦炒金邊粉 ］金邊粉炒得乾身，味道甜甜哋好易入口，鮮蝦大隻彈牙，伴碟有花生碎，口感更豐富🔖［ 沙嗲串燒 - 雞全翼 豬肉 雞腎 ］沙嗲串燒當然係必點，泰式沙嗲重花生香，重有花生粒粒，呢個沙嗲醬點唔同食材都好正燒雞全翼金黃滑嫩，外香內軟🍢豬肉及雞腎內裡肉汁滿滿，加上沙嗲醬相當惹味