呢碗係冬茹豆腐米線，蕃茄湯底。係中環返工成日食呢樣，貪佢鹵水豆腐，冬菇都忟得入味，唔錯唔錯。而蕃茄魚湯底就第一次食，因為唔係新鮮蕃茄整，變左好似蕃茄醬味，就覺得麻麻。
叫左杯凍檸水，有隻野飛左入去，拿拿林叫阿姐拎過杯。
鹵水雞翼，都係好入味，但鹹左少少
芒果乳酪， 見佢有特飲，咪試下囉，點知中伏，好有大陸牌子乳酸味，冇新鮮芒果，好甜。呢餐最差呢杯。
呢個火鍋都算豐富，好多配料，有烏冬，魚腐，魚滑，蔬菜，嚮鈴，餃子等等，唔叫牛肉都夠晒，食物味道就中間喇，浸落魚湯更加好味。最緊要咁多野都係$59, 好過去其他快餐店食。
