佢帶左我過黎依間係佐敦既樓上酒吧
就係地鐵站後面一條街
位置相當便利
由於我地去得比較早所以酒吧內既食客唔多
但係發覺依間酒吧除左裝修好新之後重有好多野玩！
有兩張 beer pong 枱 有 stack cup 仲有兩部鏢機
睇黎夜晚一班朋友過黎消遣都係一個唔錯既選擇
店內環境都相當唔錯
離遠見到有道透明嘅玻璃門好似仲有間房
而另一邊廂就聽到有人唱緊K
完全符合夜晚黎消遣
講到食物方面 依間酒吧既野食有驚喜
我地兩個人嗌左
炸春卷 炸薯條 pizza 同豬仔骨
炸春卷雖然入面係魚肉燒賣咁
不過外脆內軟 趁熱食真係唔錯
薯條都係新鮮出爐 熱辣辣
依個$148 既原條豬仔骨好大碟！
而且每一條都已經幫我地切好
唔洗自己動手 真係好貼心
最後就係依個 Pizza
見到上面 d 芝士係可以拉絲
岩曬我依個鐘意食芝士既人
而且依幾道菜全部都有一個共通點
就係全部都係外脆內軟 ！
話明傾計飲野點會少得酒呢
我朋友叫左一杯 1664
而我就叫左杯 Mojito
杯入邊既薄荷葉幾乎佔左半隻杯用料十足！
我地一共係店內傾左兩個幾鐘
完全無限時食 可以令我哋隨心所欲慢慢傾
最後埋單 $691 人均消費 $350 有野食
有酒飲 再加上好環境 絶對係超值
