老川皇

营业中

休息中

同事介紹喺旺角近油麻地有一間四川菜好出色。今日同屋企人行完街買嘢就去這間「老川皇」品嚐川菜。場內以小圓枱為主，亦有一邊卡座，簡單中式傳統裝修。手機下單，每款餸菜都可以自選辣度，加減蔥、蒜等..先放上前菜醃蘿蔔，酸甜之中仲有辣椒調味，夠晒醒神開胃。農家小炒肉（走辣）經典湘菜，夠鑊氣，辣椒炒得好香，入口爽脆，只係微微辣～豬腩片尤其惹味香口，仲有大量爆香蒜粒，配白飯絕對冇得傾。酸菜魚可以自選魚嘅種類，桂花魚、生魚片、鱸魚等等。價錢由$168/斤起。選了最Basic 酸菜魚$168，手機下單竟然顯示係$288，冇為意係以為用重量計。最後埋單發現手機落單平台出問題～提醒食客手機下單有問題立刻通知店員更正或找店員幫忙下單也可。酸菜魚湯底夠熱，魚片嫩滑有魚味，但留心較為多細骨。點了「少少辣」，所以辣得嚟好溫和。反而稍嫌唔夠酸。配料有水晶粉和蘿蔔片。爆桨椰汁流心球賣相有又西式～即叫即炸熱辣辣。脆球裏面好似榴槤炸彈，糯米層軟糯，餡料似足椰汁西米露，香甜流心，好美味又有創意嘅炸物。整體食物唔錯，四川款式多種選擇，孜然、泡椒，鮮椒、剁椒、辣子、乾鍋系列….應有盡有。