泰皇閣泰國菜館

营业中

休息中

約咗朋友食晚飯，因為佢知道我好鍾意食泰國菜所以就帶咗我嚟九龍城食佢成日食嘅泰皇閣！因為疫情關係好多餐廳都唔多客人，所以嚟到見到門口要排隊嘅時候我真係嚇咗一嚇😯炸蝦餅：熱辣辣脆卜卜，彈牙又食到蝦肉嘅鮮味😊蒜蓉包：蒜蓉包好香脆，牛油同蒜蓉味都好香濃✌🏻青咖哩豬肉：咖哩汁香濃惹味，豬肉分量唔少而且唔會韌！仲有茄子仔同蕃茄仔……嘅配菜中和一下辣味🌶️蛋包鮮蝦金邊粉：呢個真係必點！我個人覺得係我食過最好食嘅Pad Thai😍調味酸甜度適中，金邊粉炒到濕潤但又唔會黐埋一堆，係條條分明每一條都沾滿醬汁！入面嘅豆腐乾亦都唔係平時食開好硬嘅而係濕潤又軟！❤️❤️❤️芒果沙冰：朋友話飲到新鮮芒果肉而且好香甜🥭提子沙冰：見到隔離枱杯提子沙冰望落好靚，我喺好奇心驅使下叫咗，飲落清甜而且解渴一流🍇朋友話餐廳長期好多人排隊，但係餐廳食物質素的確高而且價錢唔貴，真係值得等待😋