Burgeroom (美麗華廣場1期)

自己好少食漢堡，呢次友人推介就特登黎睇下呢間勁多笑笑口既係咩料！係得美麗華廣場，裝潢一定有返咁上下，簡單既工業風幾有特色，入內座位同氣氛都認真唔錯，望下個餐牌，嘩！！！！咁多款式既，有選擇困難症既我，諗左好耐決定跟從餐牌同友人既推介試返佢既人氣漢堡，等左唔一陣，熱辣辣仲咇緊醬汁出既漢堡已經黎到枱面！
大烤菇芝士牛肉漢堡$118
上台見到個Size滿意左一半，分開一半望下入面，嗯!!色香都齊，一咬入口，烤菇淡淡既火炙味冇蓋過個菇味之餘配合濃厚牛味既肉令件事昇華左，新鮮既蕃茄同生菜輕輕點綴左令本身好邪惡既漢堡感覺唔會油膩

1

大烤菇芝士牛肉漢堡

$118

大烤菇芝士牛肉漢堡

牛油果醬芝士雞柳漢堡$100
每個漢堡上枱都會預先切開一半，幾方便客人分享及入口，坦白講兩個漢堡都好味，不過個人口味計我更喜歡這個牛油果雞，鮮嫩既雞肉唔老之餘熟度岩岩好，芝士+牛油果醬一個健康一個邪惡，但擺埋一齊連雞食竟然有多種層次出現左，牛油果醬比芝士食左，芝士比雞食左，雞又比牛油果個口感食左，正！！

旋風薯條$35
埋到黎既時候望見個賣相本身有啲失望，但係食落口就唔同了，佢係絕跡香港以前哈迪斯果隻美式薯條味，全部薯條都係乾身又脆口，亦冇食得多時覺得好多油或者喉嚨不適既感覺，點點茄汁回憶又返黎了

魚柳沙律$90
沙律上枱至知原來份量幾足下，兩塊香口實淨既脆魚柳滿足埋我係呢間舖牛雞豬都試哂既慾望，肉質同炸粉比例恰當，沙律亦十分之新鮮，食個生洋葱圈先仲辣得好過癮，蕃茄片可以中和返個辣，全餐Dinner食到我同女友飽了，大滿足!!!!!!