影片
更多
2006-08-28
5 浏览
星期六(26/8) 同朋友慶祝生日，想試試重慶大廈的咖哩，事前睇過呢度的食評，見新德里有最多好評，就決定揀呢間。幸好事前睇過呢度的食評，大概知道入到去會點，果然係有個"實Q"會問我地去邊，講左新德里，跟住就有個印度人帶我地去lift 口，叫我地搭上三樓。可能果陣仲未到七點，大廈內外都唔算多人，之後有朋友七點後先到，等lift 等左幾部先上到，架lift 又好慢。本來尋日book 左位，但我覺得有冇book 都係一樣，入到去佢叫我地等一陣，之後就帶我地去隔離鋪位，呢度比較寬敞同靜，果邊主鋪位就有音樂，餐廳比想像中細，但佈置唔錯，張餐布幾靚，好多一家大細幫襯。參考過呢度的食評，好快就揀到要咩，幫我地落單果個就係James，佢真係好nice，同我地影相，又講生日快樂添，但佢似乎真係好忙，或者佢係唯一一個講到流利中文，客人有咩order 其他waiter 都會叫佢。先有一籃送的烤餅，好薄好脆。芝士烤餅、蒜蓉烤餅、薯仔烤麥餅：好似都差唔多咁，因為都係點咖哩食，但朋友們都覺得芝士烤餅最好食。素咖哩角：果然係好好食，點果D 綠色或者黑色的醬好好食（只係見檯上有醬就試，其實唔知係咩醬），我覺得全餐飯最
幸好事前睇過呢度的食評，大概知道入到去會點，果然係有個"實Q"會問我地去邊，講左新德里，跟住就有個印度人帶我地去lift 口，叫我地搭上三樓。
可能果陣仲未到七點，大廈內外都唔算多人，之後有朋友七點後先到，等lift 等左幾部先上到，架lift 又好慢。
本來尋日book 左位，但我覺得有冇book 都係一樣，入到去佢叫我地等一陣，之後就帶我地去隔離鋪位，呢度比較寬敞同靜，果邊主鋪位就有音樂，餐廳比想像中細，但佈置唔錯，張餐布幾靚，好多一家大細幫襯。
參考過呢度的食評，好快就揀到要咩，幫我地落單果個就係James，佢真係好nice，同我地影相，又講生日快樂添，但佢似乎真係好忙，或者佢係唯一一個講到流利中文，客人有咩order 其他waiter 都會叫佢。
先有一籃送的烤餅，好薄好脆。
芝士烤餅、蒜蓉烤餅、薯仔烤麥餅：好似都差唔多咁，因為都係點咖哩食，但朋友們都覺得芝士烤餅最好食。
素咖哩角：果然係好好食，點果D 綠色或者黑色的醬好好食（只係見檯上有醬就試，其實唔知係咩醬），我覺得全餐飯最好食係呢個，入面D 咖哩真係好香好正呀，每次必食，不過朋友們覺得辣。
炸洋蔥圈：雖然普通，但炸得幾靚，雖然剛剛炸起，但一D 都唔覺得油膩。
咖哩雞& 蝦：叫左一碟雞同一碟蝦，但唔記得叫咩名，兩碟的咖哩汁都好好味，不過都係覺得兩碟差唔多咁。
每人叫左杯飲品，飲品選擇唔多，都係汽水、奶茶、檸茶之類，特別D 有芒果乳酪。
最後拎個蛋糕出黎，James 幫我地點蠟燭，仲有紙碟提供，服務真係非常好，我地坐左兩個幾鐘，好彩唔算多客，如果唔係坐咁耐真係唔好意思。
聽聞埋單講Openrice 有九折，原來只限平日，不過冇九折都仍然抵食，走果陣James 仲去lift 口同我地傾左幾句，餐飯真係好愉快，真係尖咀食飯的好選擇，有機會再去過。
順便講下toilet，主鋪位的toilet 乾淨D，另一鋪位的toilet 就沖唔到水。
由於架lift 太慢，走果陣行樓梯落去，本來都驚會好污糟，但比想像中好，只係殘舊，但落到去係條暗巷，就真係好污糟，幾個女仔係度行都幾驚。
张贴