影片
更多
2022-08-06
104 浏览
又嚟介紹特色餐廳喇🥢！發現呢排都冇咩介紹台式餐廳🇹🇼，所以今次想介紹一間位於大角咀嘅台灣餐廳🥳。我都係上網research 完先發現原來大角咀都有幾多間台式餐廳🤭，而我今次介紹嘅呢間餐廳其實都幾高人氣㗎😍，當中仲出現咗一個去親必試嘅滷肉飯😋。想知到底係邊款魯肉飯，就繼續碌落去睇下🤣。環境方面☝🏻我自己幾鍾意餐廳嘅選址👍。因為佢唔係開喺大街大巷，所以都比較上安靜🤫。另外餐廳嘅裝修風格都偏向文青style😬，所以個人認為都幾啱我😎。食物方面✌🏻#月見蚵仔魯肉飯（$60）首先想介紹嘅就係嚟呢間餐廳嘅必嗌嘅蚵仔魯肉飯啦🥰。我今次揀嚟呢間餐廳有好大嘅原因都係因為呢款滷肉飯🤤，因為上網睇嘅圖實在太吸引啦📷。講返正題先🫢，因為呢一個主菜會包含埋1份涼菜同埋1杯無糖嘅阿薩姆紅茶🤪。所以我覺得個CP值都好高！收到個實物之後，果然同我個期望係一樣❤️。當中蚵仔嘅份量真係好多，足夠覆蓋成個碗面🤩，另外正中間仲有隻生蛋黃，真係夠晒正😚。餐廳標明生蛋黃係用咗日本蛋🇯🇵，所以大家食起上嚟都可以放心啲。講返滷肉飯先，撈埋生蛋黃食令每一啖滷肉飯嘅口感變得更加濕潤😍，而且滷肉個size都適中。至於個主角蚵仔咬落包汁個口感
發現呢排都冇咩介紹台式餐廳🇹🇼，所以今次想介紹一間位於大角咀嘅台灣餐廳🥳。我都係上網research 完先發現原來大角咀都有幾多間台式餐廳🤭，而我今次介紹嘅呢間餐廳其實都幾高人氣㗎😍，當中仲出現咗一個去親必試嘅滷肉飯😋。想知到底係邊款魯肉飯，就繼續碌落去睇下🤣。
環境方面☝🏻
我自己幾鍾意餐廳嘅選址👍。因為佢唔係開喺大街大巷，所以都比較上安靜🤫。另外餐廳嘅裝修風格都偏向文青style😬，所以個人認為都幾啱我😎。
食物方面✌🏻
#月見蚵仔魯肉飯（$60）
首先想介紹嘅就係嚟呢間餐廳嘅必嗌嘅蚵仔魯肉飯啦🥰。我今次揀嚟呢間餐廳有好大嘅原因都係因為呢款滷肉飯🤤，因為上網睇嘅圖實在太吸引啦📷。講返正題先🫢，因為呢一個主菜會包含埋1份涼菜同埋1杯無糖嘅阿薩姆紅茶🤪。所以我覺得個CP值都好高！收到個實物之後，果然同我個期望係一樣❤️。當中蚵仔嘅份量真係好多，足夠覆蓋成個碗面🤩，另外正中間仲有隻生蛋黃，真係夠晒正😚。餐廳標明生蛋黃係用咗日本蛋🇯🇵，所以大家食起上嚟都可以放心啲。講返滷肉飯先，撈埋生蛋黃食令每一啖滷肉飯嘅口感變得更加濕潤😍，而且滷肉個size都適中。至於個主角蚵仔咬落包汁個口感真係好正👾，仲要大大粒。味道都夠晒新鮮。絕對係我食過最有驚喜嘅滷肉飯之一！
#椒鹽花枝丸（$24）
之後要講嘅就係我追加嘅小食椒鹽花枝丸。一送上枱嗰刻仲見到啲花枝丸出煙🫢，就知道係即叫即炸👍。講返個味道先，我覺得椒鹽五個份量啱啱好，食完唔會話太鹹😈。另外花枝丸咬落好彈牙😬。
#起司薯餅蛋餅 ($36)
跟住我要講嘅就係我最鍾意嘅台灣小食蛋餅啦😋。自問自己都試過大部份配搭嘅蛋餅🤣，但係就真係未試過今次嗌嘅芝士薯餅蛋餅😗。講吓個賣相先，我覺得啲蛋餅睇落好澎湃🤩，因為內餡入邊有芝士薯餅同埋生菜🥬，所以夾完之後個蛋餅真係好脹🤓。其實我覺得個蛋餅都幾飽肚㗎，因為入邊有薯餅🥔，份量都真係十足。我估唔到原來薯餅同蛋餅個味道都幾match🤣。如果下次再見到呢個配搭我都會考慮！
#芋圓糖不甩（$32）
最後嚟到介紹甜品嘅環節啦🤤。因為見到網上有好多人都介紹過芋圓仙草系列，所以我今次就想試吓佢個芋圓糖不甩😚。糖不甩方面一共可以選擇花生或者芝麻，我自己嗰日就揀咗芝麻🙏🏻。我自己覺得個賣相其實都幾eye catching㗎👀。餐廳係用咗四色芋圓再加芝麻幼粒😍，所以個甜品其實都幾色彩繽紛🥹。我自己本身冇expect芋圓上面會加啲白芝麻，再加埋我叫嘅黑芝麻。黑白芝麻嘅配搭再加埋芋圓煙靭嘅口感真係一大衝擊🤣，我自己就好滿意呢個甜品啦。個人覺得係同朋友分享嘅最佳甜品🥰。一齊篤起粒芋圓、點芝麻再慢慢食都幾chill😎。
評分以🌕表示（滿分為5）
環境：🌕🌕🌕🌕🌑
賣相：🌕🌕🌕🌕🌑
味道：🌕🌕🌕🌕🌑
服務：🌕🌕🌕🌕🌑
张贴
