Kopitiam By Saya

营业中

休息中

再次嚟海之戀食SAYA😎去個日雖然係平日，但係依然大排長龍等位，就知道幾受歡迎啦🥰今次菜單同上次有d唔同，好多新菜式勁吸引👍🏻8點後入座海鮮有7️⃣折優惠😍⭐️炭燒豬頸肉 $108必點小食之選，炭香味夠之餘肉質好爽口，油脂感滿滿但係配合自家製嘅泰式辣汁一齊食一d都唔會油膩夠哂惹味，水準極高！⭐️魚露金不換浸花甲 $98一睇size就知係花甲王，口感好爽甜，魚露味道鮮唔會過鹹，加埋辣椒金不換同蒜蓉等等配料令味道層次變得多元化但又好夾！私心想食多碟～⭐️椒鹽九肚魚天婦羅 $118好少見九肚魚咁大條，用天婦羅製法再加上椒鹽調味，真係冇試過，勁有驚喜！九肚魚外層好鬆脆，魚肉質地嫩滑鮮味十足非常好食！⭐️燒生蠔🦪 $32/隻上次都有食到，買5送1優惠仲做緊，生蠔水準依然保持得到，size夠大夠新鮮🤩⭐️黑胡椒蟹肉炒飯🦀 $128炒飯做到粒粒分明，蟹肉鮮甜帶有黑胡椒味，而且成碟唔多油，廚師技術認真抵讚👍🏻⭐️傳統冬蔭清湯魚蛋魚片粉 🍜 $88湯底色澤清澈得嚟冬蔭味濃，酸酸甜甜，潮式手打魚蛋魚片魚味夠而且好彈牙！用埋捲河粉食落更掛湯～⭐️飛天炒通菜 🥬 $88蒜蓉同辣椒加通菜呢個組合幾時都係最滋味，通菜夠嫩唔會有渣。