可能天氣凍咗啦，唔使排隊就入到去。跟住服務員好快就拎咗兩杯茶過來，又幾好飲喎，有茶味又唔太濃，即刻寒氣全消，暖到入心
。經理介紹咗一下Menu，話有個極上厚切豚肉同車海老都係好好食，值得一試。正當仲諗緊食啲咩好，老婆二話不說：「不如試吓個二人套餐啦。」
落完單，個經理仲話如果啱食，仲可以買埋套coupon攞埋個優惠添。
最後，我哋點咗嗰個係有豬扒同豬柳嗰個餐。豬扒炸粉薄又夠乾身，入口酥脆，仲要係索索聲嗰隻
豬柳就唔肥，但一啲都唔柴，仲帶有肉汁。
食完後，仲有杯西瓜同玄米茶飲。
老婆話怕生冷，俾埋個西瓜我食。
個玄米茶甜甜地，清淡嘅茶味，帶有一點米香，仲可以消滯解膩添。
老婆話想食多次，就買咗套coupon即刻用，1200就有1400蚊，加埋有張叫夜繽紛嘅$200劵，計落都有75折啦，又幾抵喎
