丼吉日式吉列豬排專門店 (又一城)

我勁鍾意食日式炸豬排！原因係可以磨芝麻🤣🤣好好玩～之前一直都係喺日本先有得玩，今次終於喺香港試到！重點係！舊豬扒其實都好似日本食到嘅質素😍完全唔乾唔柴，係好食嘅豚！而我哋今次嗌咗二人餐，所以有得試埋炸帶子，又係好出聲！入面係滑滑冧冧，食落喉嚨勁舒服😭🙏🏻食完啲椰菜，仲有個姐姐好貼心問我使唔使fill，實在好有日本嘅感覺(˶‾᷄ ⁻̫ ‾᷅˵)不過開得喺商場，就無可能會平得去邊，但我個人又覺得都值呢個價嘅～…查看更多

朋友搬屋，過咗嚟九龍呢邊幫吓手。由於一早過咗去，連早餐都趕唔切食。執吓執吓，點知一執就到三點鐘。仲話老友鬼鬼，咁晏都唔叫我食飯。佢叫我唔好嬲住，仲話帶我去食好嘢。心諗食下午茶，又有咩好食喎😅原來係去「丼吉」食，佢話呢個品牌已經有30年歷史，蔡瀾介紹過都話好食。其實，我之前都食過，吉列豬扒又真係幾好味嘅。一坐低，朋友點完個鰻魚飯，就收到師傅call，要趕返去屋企。算啦，朋友😅⋯⋯⋯⋯人就走咗，留低一個鰻魚飯。不過呢個飯，真係唔錯👍🏻鰻魚好厚身，唔多骨。食落脹卜卜，又多汁。師傅燒得好好味，外層會包着少少魚油，入口甘甜，口感一流。飯每粒都好飽滿，好似注滿水份。晶瑩嘅外表，口感軟糯，每一口都包著滿滿嘅蛋絲點綴，實在難以在形容。還配有一個小小刺身，份量唔多，不過勝在夠新鮮。甜蝦好爽甜，三文魚夠肥美，忍唔住一口就食落去。朋友冇介紹錯，估唔到出品咁出色👍🏻👍🏻👍🏻…查看更多

有日老婆同啲姊妹行街，見到呢個商場有間嘢好多人排隊，好似好好食咁，今日咪走過陪佢嚟陪佢試吓。可能天氣凍咗啦，唔使排隊就入到去。跟住服務員好快就拎咗兩杯茶過來，又幾好飲喎，有茶味又唔太濃，即刻寒氣全消，暖到入心。經理介紹咗一下Menu，話有個極上厚切豚肉同車海老都係好好食，值得一試。正當仲諗緊食啲咩好，老婆二話不說：「不如試吓個二人套餐啦。」落完單，個經理仲話如果啱食，仲可以買埋套coupon攞埋個優惠添。最後，我哋點咗嗰個係有豬扒同豬柳嗰個餐。豬扒炸粉薄又夠乾身，入口酥脆，仲要係索索聲嗰隻豬柳就唔肥，但一啲都唔柴，仲帶有肉汁。食完後，仲有杯西瓜同玄米茶飲。老婆話怕生冷，俾埋個西瓜我食。個玄米茶甜甜地，清淡嘅茶味，帶有一點米香，仲可以消滯解膩添。老婆話想食多次，就買咗套coupon即刻用，1200就有1400蚊，加埋有張叫夜繽紛嘅$200劵，計落都有75折啦，又幾抵喎…查看更多

約咗女朋友到又一城行街，點知佢話肚仔餓既然女朋友叫到，當然要食好d啦😋但無訂位，諗住碰碰運氣，睇吓有無位再算啦！呢度午市都算多人食，始終返工時間嘛，諗住等得耐，都要去第二度食，點知個經理走出嚟話有張訂枱未到，可以俾咗我哋先🤗。「嘩🤩係張卡位嚟㗎，真心」呢度啲豬扒，實話實說真係好食👍🏻👍🏻放咗一段時間仍然好脆口😋又唔油膩椰菜絲爽甜，飯又甘香可口🍚員工服務都好好，會不停幫你加茶加菜👍🏻👍🏻…查看更多

食品質素非常一般，炸豬扒食得出是雞还是猪，壽司刺身唔新鮮，有腥味！最離譜係坐低冇同我哋講要收茶钱，每人成為$9再加一，本人非常之不滿，向當值經理投訴，問有沒有呢個意見書可以填寫，點知等咗15分鐘搵到搵到！供应的玄米茶，好苦好苦，同待应投䜣冇回应，如果早知要收$ 9人头茶錢必定立即投訴！一𠆤非常不愉快又贵的午餐！…查看更多

打風前夕，決定要對自己好d，所以去左食Tonkichi とん吉。叫左午餐套餐，吉列深海大蝦、廣島生蠔和雞扒配冷稻庭烏冬的定食，價格為$188（未連加一及茶位），無疑是比晚餐散叫餐牌平～吉列深海大蝦的蝦身外裹著金黃酥脆的麵衣，咬下去的瞬間，感受到外層的酥脆，搭配特製的豬扒醬汁及研磨芝麻，好食❤️廣島生蠔～炸蠔搭配檸檬和醬汁，外脆而內裡口感滑順，鮮甜味十足。雞扒的外表金黃，內裡卻保持著多汁的口感。冷稻庭烏冬彈牙的口感與炸蝦、炸蠔及炸雞扒形成絕佳的搭配，讓整體味道層次更為豐富。…查看更多

美食家蔡瀾先生都曾經多次公開讚賞嘅餐廳，係我嘅飯堂之一👍🏻吉列上級豬扒定食，$248外皮香脆又金黃，麵衣唔會話太厚。豬扒juicy唔會柴，有適當嘅脂肪，味道天然帶點甜，好食。米飯粒粒飽滿，都尚算黏口，上餐前可以自己磨芝麻，加落白飯，或者連埋豬扒、醬一齊食都唔錯，添加一份日式感。餐前餐後各一杯茶，可以無限追加幾清甜嘅椰菜絲 (我每次都最少添加兩次)，仲有飯後生果食。呢個價位好難每日當lunch食😅但都算值得。…查看更多

丼吉日式吉列豬排專門店到丼吉日式吉列豬排專門店點了它們的吉列豬扒午市定食, 結果出乎意料之外的好。價錢不算便宜, 218元有吉列豬排本人﹑椰菜絲﹑檸檬角﹑前菜和白飯, 但性價比很高。首先服務很優質, 店員彬彬有禮, 照料周到, 有細心打點我們點的食物, 跟得很足, 而且我們一呼叫便馬上回應, 不是很多間店能提供這樣的服務, 讓人有賓至如歸的感覺, 這已經是他們的一大賣點。而且環境很舒適, 又不會有用餐時間限制, 已經勝人一籌。點了他們的招牌: 日式吉列豬排, 吃完便明白為甚麼它是那麼受歡迎日式料理。豬排為主角, 吃出它的外脆內嫩，加上前菜和米飯, 很開胃, 絕對值得光顧, 因為非常美味。…查看更多

因為朋友想食，所以去咗呢間有任食沙律菜嘅日本餐廳！講起最好吉列豬扒，香港一定係呢間 好少何過江龍可以keep得到質 呢間真係屈機不過我今日有啲熱氣就嗌咗蒜片牛柳粒 同埋見過朋友食好吸引午市嘅Menu好實惠 雖然對打工仔嚟講絕對唔平 。但係對得住佢質素同埋環境。 今次我唔知吉列豬扒係咩質素啦，但係見到朋友都食得舔舔脷 仲可以自己磨芝麻 仲有豬扒醬，芝麻醬有子汁 全部醬汁都好好味 好值得 我都已經唔識點形容 但係你會覺得係調校得啱啱好嘅味道蒜片牛柳粒同樣！一片片蒜少量蔥頭同埋唔多嘅牛柳粒 如果牛肉多啲就好啦！唔係好夠喉 唯有食多啲極鮮甜嘅椰菜絲加咗八爪魚秋葵，有芥末味， 呢個調味除咗鹹咗少少都係一流 而且好新鮮嘅秋葵爽口就咁食椰菜絲，正常係會有啲乏味 但係佢跑得好細同埋極度鮮甜 完全唔使沙律醬都已經好好味好神奇其實見到隔籬個吉列豬扒都好想試食 整體而言食得好滿足！但係牛嘅份量少咗啲另外加咗錢要身五款， $88但係質素好普通，始終係食吉列豬扒嘅 刺身唔係好抵 因為真係好一般，不過食熟食已經很滿足…查看更多

有個人好鍾意食炸豬排但係淨係食得落丼吉但下下都6舊水食兩碗豬排飯都唔係幾掂佢係炸得比其他舖頭好少少既個炸皮夠薄夠酥脆特別係舊豬柳 彈牙多汁不過近年啲豬排好似冇以前好食啲豬柳質素有時都唔夠穩定不過就好似都冇乜加價咁囉咁啲海鮮冇話好特別既 同埋唔係幾抵食 我覺得可以忽略不過如果計埋佢啲生菜絲 白飯 麵鼓湯既話咁佢個餐就做得明顯比其他舖頭好一截既佢啲生菜可能都係進口生菜 所以特別清甜又用番啲日本珍珠米做個飯個湯又整得幾好 唔係死咸仲有份飯後西瓜食下不過如果齋計食物 其實都唔值300蚊一餐飯既丼吉真正貴係貴係佢個服務到相對黎講 佢人均員工對客比好似係比較高而啲侍應通常都好有禮貌同好鬼長氣所以加加埋埋就依個數…查看更多

どん吉TLDR: 性價比低，豬扒好乾。用呢度一半嘅價錢已經喺日本食到好好食嘅炸豬扒。🍤吉列深海大蝦、廣島生蠔、豬扒定食 $238第一次食呢間餐廳，叫咗個包含不同炸物嘅定食試一試，定食有一隻大蝦、一件炸蠔同一塊豬扒。吉列深海大蝦真係大隻嘅，但同時外皮亦都好厚，食落似食炸粉多過食蝦。炸蠔方面幾新鮮，有鮮味，但外皮亦都係同樣嘅問題。炸豬扒有啲厚度，但勁乾身。呢個價錢冇諗到豬扒質素係咁差，要點醬食先叫做冇咁乾。醬汁方面佢會俾個裝咗芝麻嘅磨粉缽俾我哋磨碎啲芝麻，然後撈豬扒醬，有啲色水野。豬扒醬會多咗一層芝麻香，雖然其實都冇令到件事好食咗嘅。唯一值得一讚嘅係配菜嘅椰菜絲好新鮮清甜，而且可以無限添加，令餐飯冇咁dry。紫菜沙律汁亦都幾特別👍🏻…查看更多

溜冰前醫下肚仔😋 超人氣之炸物店推介🍤依間炸物餐廳長期排長龍😓難得閒日有時間當然要立即試吓🙆🏻‍♂️休閑午餐推介🍤：滑蛋吉列豬柳飯🐷滑蛋份量多到跌出碗😂金黃色嘅滑蛋味道香濃🍳口感綿密 入口即化 適合拌飯🍚吉列豬柳外皮鬆脆🤭內裡軟嫩 仲好多肉汁💦鬆脆嘅豬柳配上純白剔透嘅米飯真係Perfect Match 👩🏻‍❤️‍💋‍👨🏻吉列炸蠔🦪炸蠔油而不膩 香脆可口 😜食落口feel 到蠔本身鮮味多汁 冇任何腥味😚 仲有啲沙律菜可以任加任食🥗餐廳提供多款醬汁🍯配上炸物或者沙律同樣好食😋另外每一張枱都有消毒酒精可以用🍾咁就食得安心又放心🤗…查看更多

今日要去又一城訂蛋糕,唔知食咩好？突然腦海浮現出炸豬扒呢個畫面,咁就決定去丼吉炸豬排啦！七點鐘都唔算多人,可能因為係星期三嘅關係,完全唔使等位☺️知客態度都好好,問我幾多位,雖然我只係兩位,但都即刻帶咗我去個四人枱度👍跟住一個笑容滿面嘅字應該嚟介紹餐牌入面嘅嘢食,同埋近來有啲咩優惠😉最後我都係點咗極尚之豚,另外一個呢就叫咗滑蛋炸豬扒飯.套餐已經包括咗一個湯一個醬菜白飯椰菜絲. 滑蛋炸豬扒嘅滑蛋就比較濕咗少少啦但係舊豬扒炸得唔錯仲以為佢好乾好瘦其實都唔會我覺得都係啱啱好啦,都保留到D肉汁嘅. 極上之團嗰個豬扒呢就係厚啲比較肥. 但我諗我係唔好彩啦！我舊豬扒你有筋同埋有啲部分係唔熟😓😱咁套餐嘅椰菜絲係任加,是不停咁過嚟自動加椰菜畀我👍飲個麵豉湯都幾夠味入面仲有隻蜆😋食完呢個餐之後就送咗一個冰凍嘅西瓜同一杯麥茶解油膩👍…查看更多

四月是霖迪的生日月，也是忙得不可開交的四月。這天來到九龍塘工作後，同事記得是霖迪的生日，便去吃頓豐盛的生日飯。數訪又一城的丼吉，自是知道這家定價不低，午市相對化算豐盛些，而近日更推下午茶，同事嚐過覺得划算，同時買下現金券，是故這夜同事請客在此謝過。近日過著大魚大肉的生活，自感罪過萬分，丼吉並非霖迪首選，但這家水準穩定又是個事實。晚市定食料理價位在$300以上，包含吉列主食、白飯、吸物和前菜，亮點是在無限添加的生菜絲，可稍稍減輕瘋狂吃煎炸肉類的內疚感。選期間限定特等厚切即鹿兒島吉列豬扒定食($328)，以及吉列廣島蠔配炸蝦定食($318)。特等厚切即鹿兒島吉列豬扒定食($328)被譽為極上之豚，對此味甚是期待。一整塊吉列豬扒比恆常的份量更多，雖未有預想的厚切，但感覺仍是比較實在。豚香未算濃厚但肉質軟嫩，邊位帶一點脂膏，能嘗到脂香又不會太肥膩，對愛豚者來說算是上選。至於同事選的吉列廣島蠔配炸蝦定食($318)，是丼吉的穩陣王牌之選。炸蠔肥美鮮嫩，吉列炸皮厚度恰恰好，而炸蝦就是最熱門的配搭。同事加配了刺身拼盤，店員強調那是一人前，霖迪覺得價位偏高了所以沒選，不過擺盤帶高級感，也算是賞心悅目的。店員表示四款飲品做推廣優惠，於是點了蜜桃梳打和梅子梳打，梅子梳打沒有想像中的清新，屬醃製的梅子醬汁，配梳打仍是有點太甜了。這家的汁醬主要有三款，不怕甜膩的就選豬扒醬來蘸吉列，而柚子醬、紫菜醬就是椰菜絲的最好搭配，不過是次的生菜似乎非最新鮮的狀態，有點泛黃，作為丼吉的亮點，是次有點失色，畢竟丼吉的平替版京都勝牛就弱在菜絲的一環，作為吉列高級版便不容有這些落差。時常選丼吉的原因，絕大部分是因環境與服務。有說這家侍應有點催逼，誠然吃到尾聲，整理餐桌、端上水果是有點趕客的意味，而當晚入座率不及一半，其實沒有翻桌的壓力，不過是晚我倆也算在店內待得挺久的，正所謂「阻人收工猶如殺人父母」，還是識相離開好了。二人就餐這家還不算便宜，倒是覺得在午市前來，透著陽光的用餐環境，加上豐盛的午餐定食，是丼吉的最佳選擇。感謝同事的生日飯！工作順利就是最好的生日禮物。…查看更多

今日去了這間香港有好多分店的日式炸豬扒飯。食完之後仲買咗佢嘅優惠券，$1200可以減$200。同爹哋媽咪同埋細佬食，4個人。叫了2個2人餐。佢嘅醬料好特別，有芝麻同埋醬汁好似要揼碎啲芝麻後再落醬汁，除咗呢一樣之外仲有其他嘅醬汁可以撈沙律菜。爸爸就最鍾意食嗰個菜，即刻問咗侍應係咩菜，侍應話係普通椰菜🥬。爸爸話好甜好鍾意食，而家佢年紀大啦，好多食物都唔係好啱食，好在今次嚟到呢度佢都鍾意食呢度嘅菜式。菜有得添加，好平衡，有肉有菜🙂‍↔️。豬扒炸得好酥脆，用了麵包糠。餐廳有少少露天位置，坐得得好舒服同埋侍應好有禮貌教我哋點樣用醬汁。…查看更多