神燈海鮮酒家 (18廣場)

营业中

休息中

神燈海鮮酒家係一間位於佐敦嘅粵菜餐廳，佢哋嘅餐牌選擇非常之多，價錢相宜，而且餸菜都幾啱口味，餐廳長期都好多人，都幾旺場。今次試咗佢哋幾樣招牌菜，都幾有驚喜：🦐 星洲麥皮蝦新鮮厚肉嘅蝦蝦肉爽甜，帶有少少蝦膏，大蝦用麥皮包住炸到脆身，食落卜卜脆。調味帶啲微辣同埋鹹香，非常惹味！🍖神燈小炒王小炒王非常有驚喜，材料非常多，有豬頸肉，油炸鬼，四季豆，馬蹄，腰果同蝦乾等等，食落去口感好豐富，醬汁甜甜地，鑊氣十足，用嚟送飯一流！🥩牛魔王叉燒呢個招牌菜係我最期待嘅，果然不負眾望！牛叉燒醃得好入味恰到好處，表面搽咗薄薄嘅蜜糖，燒得有少少焦香，食落香口，肥而不膩。最重要嘅係，油脂分布平均，入口即化，值得推薦！🍤百花蒸攘遼參海參爽口，煮得啱啱好口感有彈性，但又唔會太難咬開。海參讓左大量蝦膠，蝦餃食落爽甜，提升左成碟菜嘅鮮味，同海參都好夾！最後值得一讚嘅係呢度嘅服務非常之好，好主動同熱情，令客人覺得好舒服！