帕維亞意大利餐廳

营业中

休息中

又到放工時候緊係搵間就腳嘅好野食下野喇，係openrice搵左一陣，最終決定去呢間離公司近嘅餐廳，地方雖然唔算太大，但員工就夠晒親切，個人真係好耐無食過意大利菜喇前菜我地叫左黑毛豬火腿，呢個真係值得食下，係用食橡果嘅黑毛豬火腿，火腿本身唔會太肥，入口夠咸香味，真係一個幾令人驚喜嘅前菜。薄餅呢度嘅薄餅都真係幾有心思，夠份量唔再講，重點係薄餅師傅都好細心咁幫我地呢啲食客即叫即整，入口仲熱辣辣餐廳嘅菜都真係幾令人興奮，咩都有得食下，價錢都唔算太貴，幾個朋友食下野傾下偈都算係好地方，下次都要再黎先得。