京都抹茶屋

平日將軍澳區既餐廳都比較難搵位，但次次黎到抹茶屋都唔使點等，因為餐廳位於商場既最尾，座位都幾多下。
今次嗌左三個餐：極上牛柳粒石鍋丼配虎蝦天婦羅，特濃豚骨湯石鍋丼，同埋鹽燒鯖魚定食。
牛柳粒炒得幾香，虎蝦都好夠大隻，但價錢就貴左啲，個餐承惠$108.
另外個豚骨湯飯都幾大份，但味道有啲淡。
鯖魚都煎得幾香，不過不失咁。
另外嗌左杯綠茶雪糕奶昔，當甜品也好，飲品也好，都係一流！綠茶味濃得黎唔會太苦，雪糕都係用北海道3.6牛乳黎整，好好味！
總括而言,呢間餐廳值得一去再去~！