比奧沙孟加拉餐廳

营业中

休息中

佢哋啱啱開業嘅時候，我同老婆食過一次，之後念念不忘，所以尋日再去多一次。佢哋嘅菜式相比印度菜，會比較輕盈。我同老婆最鍾意食嘅係佢哋嘅羊咖喱，以及佢哋嘅蒜蓉薄餅。另外，佢哋啲蔬菜類都好好食，尋日我哋食咗個用鷹嘴豆作為炸衣嘅炸茄子，好好食。第一次去嘅時候，佢哋只得英文menu，但尋日去嘅時候佢哋已經加埋中文menu，方便本地人去睇。價錢方面，喺中環嚟講唔算太貴，兩個人食咗六樣嘢，以及一杯乳酪飲品。埋單六百幾蚊。香港做孟加拉菜嘅餐廳非常之少，呢間一定會一去再去。