檀島咖啡餅店 (軒尼詩道)

营业中

休息中

今日屋企人想食免治牛肉飯，第一時間就係諗起檀島，所以去咗買外賣返嚟。免治牛肉飯係簡單嘅茶記西式飯，但唔係咁多間做得好，呢間個人覺得算係上游級別，我叫嘅係煎蛋免治牛飯，最鍾意佢嘅可口，免治牛肉醬入面嗰種牛肉香味同茄膏嘅甜味拍埋一齊，有種好滿足嘅感覺，仲有種衝動要所有飯都沾到肉醬，啲白飯老實講米質一般，但係因為撈咗啲肉醬嘅關係，令自己好想食晒佢。蛋係一般質地，可以揀煎或者窩蛋而我揀煎蛋，拎返嚟時已經無咁熱，亦少咗嗰種油滯感，又唔會搶咗個飯嘅味道。呢間嘅免治牛肉飯，其實好似旺角某名校飯堂嘅質地，唔知係咪前員工，但一食就有番當時嘅回憶。