竹家莊

营业中

休息中

真係細細個已經聽過竹家莊嘅電台廣告，經過好多次，呢次終於有機會去試下。叫左燒鴨湯河，及第粥，油鹽水大蜆，椒鹽泥鯭，烚韭菜花。燒鴨河好似係必食，所以都叫左個試下，先飲啖湯，好香燒鴨味，再食一啖鴨，嘩！不得了，食個係鴨胸位，好軟腍，最重要係仲要好多肉汁，有啲驚為天人，最後食埋個河粉，切到好幼，又薄，連湯一齊食好正。及第粥，因為我食左個湯河先，所以食落無咁有味，但食埋啲粥料，都好香燒鴨味。油鹽水大蜆，相對最大嘅碟頭。但唔係咩大蜆，普通蜆，不過不失咁呢個椒鹽泥鯭，熱辣辣，好味😋呢碟韮菜花，好細碟，但就好嫩好甜，貴都底嘅。