再睡5分鐘

营业中

休息中

又係時候講吓震撼全港嘅手搖飲品🚨🚨再睡5分鐘🚨🚨嘅飲後感，其實佢最主要分為幾類，💛奶蓋嘅只有三款，一係就💛普通奶茶類，跟住就係💛茶類同埋啲特調，款式真係唔多，不過就已經足夠😂，我係喺閑日嘅中午時候去，咁啱見到條隊唔係太多人，即管就去排吓，由排隊買到攞只係用咗半個鐘👏🏻👏🏻，算係好唔錯✌🏻，呢間手搖飲品來自台灣，最出名嘅就梗係🤜🏻棉被厚奶蓋🤛🏻啦我就梗係叫咗佢最出名嘅棉被午茉綠再加黑糖珍珠，微糖少冰，都係$32咋，價錢超抵之餘又真係性價比高喎👍🏻，淡淡地嘅鹹奶蓋足足有3cm厚😍，超幼滑嘅奶蓋入口即溶，奶味香濃，再配有茉莉綠茶嘅花香，濃郁得嚟又夠清，飲落絕對唔膩😍，咁啱排緊隊嘅時候有人拎住杯嘢行過，其實已經聞到有淡淡嘅奶蓋味，可想言之佢係幾咁足料👍🏻，係值得一試嘅，我之後加咗黑糖珍珠，所以微糖嘅甜度啱啱好，珍珠都幾煙靭，不過黑糖味就唔算太濃另外一杯就係💛四季金萱原茶 $19 :齋茶未嚟計都算係醇香,我放咗超過一個鐘先至飲，本身有嘅冰已經溶晒，不過飲落絕對冇因為溶咗冰嘅關係而令到本身嘅味道變淡，反而仲keep到好濃郁嘅茶味👏🏻👏🏻,同埋冇嗰種澀嘅感覺,我幾鍾意嘅🤩🤩