影片
更多
2022-11-03
376 浏览
係咪真係黃店就可以唔洗有基本服務同態度？話說同朋友慶祝生日，大家想食韓燒又想幫襯黃店，就揀左平昌啦！本身已經係平昌社交平台見到有生日優惠又話免切餅費，諗住都應該welcome客人慶祝生日實冇死啦，所以就決定揀平昌。我地4個人7點入座，可以食到9點，去到佢有2個set揀，分別係$218同$298，我地揀左食$298，食物質素的確唔錯既，佢啲熟食，炸物，醬油蝦都好好味，而燒既肉同海鮮都新鮮既，大家都覺得滿意。但係職員既態度真係令我地大開眼界！我地本身帶左個蛋糕上去，係8:50我就行去叫職員執枱上蛋糕，諗住俾個驚奇壽星啦，個職員都話ok，咁佢地就真係淨係執左枱面啲野，枱面都冇抹，成枱油，個職員就成個蛋糕連盒放上枱面就走左去，我地都算喇，唔收切餅費丫嘛，咁自己切返好應該，但佢地連碟，叉，火機都係叫一樣俾一樣，我地都算，最好野係，我地想叫個職員幫我地影張合照，佢可以話因為戴住手套污糟幫唔到，ok我明，但佢冇諗過叫其他職員幫手，而成班職員就企係後面吹水，到最後，我地係好唔好意思咁要叫隔離枱既客人幫我地揸機！真係wtf?!好啦，咁我地食蛋糕啦，個時係9:20，餐廳仲有好多空枱，亦冇客等緊，但依個時候
話說同朋友慶祝生日，大家想食韓燒又想幫襯黃店，就揀左平昌啦！
本身已經係平昌社交平台見到有生日優惠又話免切餅費，諗住都應該welcome客人慶祝生日實冇死啦，所以就決定揀平昌。
我地4個人7點入座，可以食到9點，去到佢有2個set揀，分別係$218同$298，我地揀左食$298，食物質素的確唔錯既，佢啲熟食，炸物，醬油蝦都好好味，而燒既肉同海鮮都新鮮既，大家都覺得滿意。
但係職員既態度真係令我地大開眼界！我地本身帶左個蛋糕上去，係8:50我就行去叫職員執枱上蛋糕，諗住俾個驚奇壽星啦，個職員都話ok，咁佢地就真係淨係執左枱面啲野，枱面都冇抹，成枱油，個職員就成個蛋糕連盒放上枱面就走左去，我地都算喇，唔收切餅費丫嘛，咁自己切返好應該，但佢地連碟，叉，火機都係叫一樣俾一樣，我地都算，最好野係，我地想叫個職員幫我地影張合照，佢可以話因為戴住手套污糟幫唔到，ok我明，但佢冇諗過叫其他職員幫手，而成班職員就企係後面吹水，到最後，我地係好唔好意思咁要叫隔離枱既客人幫我地揸機！真係wtf?!
好啦，咁我地食蛋糕啦，個時係9:20，餐廳仲有好多空枱，亦冇客等緊，但依個時候又有職員主動過黎同你講夠鐘要交枱喎！但個刻仍然係成班職員係後面傾計唔係忙到踢晒腳架！
我只可以話如果想開心慶祝生日真係唔好揀依間，如果唔係你會俾左個傷心回憶俾大家同壽星！
其實係咪真係黃店就唔洗好態度有服務？想投訴又俾人話分化！真係可以點做？
46 浏览
0 赞好
0 留言
张贴
