.
之前食過佢哋嘅小籠包，覺得好高質，決定今次再encore！加多碗湯麵，一個人食到好飽好滿足。
.
😋招牌小籠包
小籠包個皮好薄，裡面好多汁，高質！之前食過其他舖頭嘅小籠包，塊皮又厚又乾憎憎，真係搞唔掂；但係好德來嘅小籠包完全冇呢個問題，可惜外賣自取，返到屋企可能攤凍咗少少，影響整體質素，有機會一定要再喺餐廳堂食！
.
😋醬牛𦟌湯麵
牛𦟌好入味，口感較淋，但係切得有啲太薄。湯麵係上海麵，份量都大大碗！
.
兩樣嘢加埋$108，價錢唔算好貴，但都唔係好抵食😆😆😆呀... 啱啱睇食評見到好多人話炸排骨湯麵好食，希望下次試到再同大家分享～.
