耀記雲吞麵食

营业中

休息中

🥟🍜🇭🇰佐敦細蓉小店☑️招牌雲吞麵（細）-$37行完街買完嘢想搵個位坐吓同食嘢，又唔係話好肚餓，就諗住食碗雲吞麵。雖然佐敦呢度有好多間旅遊書推介嘅雲吞麵，但我就冇去食嗰幾間，反而嚟咗呢間喺地鐵站附近嘅耀記。呢度嘅雲吞麵有大細碗之分，細嘅係$37，大嘅係$47。我今次就試咗碗細嘅。店舖雖然唔大但係門口會見到有嬸嬸喺度包緊雲吞。雲吞有四粒，每粒都大大粒，皮薄餡多，蝦同埋肉各佔一半，而蝦都好彈牙同埋大隻。至於生麵亦都好彈牙，但有啲難咬斷。湯底唔錯，會令人想飲晒佢。但係略嫌旁邊嘅醋唔夠酸，好似加水溝淡咗，令到成碗雲吞麵有啲美中不足。