天下豬肚雞椰子雞專門店

呢間位於佐敦主打椰子雞煲嘅火鍋店係近嚟食過嘅打邊爐材料最新鮮嘅一間，真係每樣食物都好好味👍🏼今次連埋J小編就有3個人一齊食，所以叫左都算多，不過最後好飽都食得晒。雖然小編有book到枱 (7pm)，不過7:30pm後就已經爆棚，所以如果想嚟記得一定要book！雖然設有用餐時間 (120分鐘)，不過如果真係walk in就要等一段時間啦~

小編見無乜人介紹，唔知算唔算新啦，但以佢嘅食物質素、價錢、同份量嚟講，性價比係相當高，絕對值得再嚟食多次😝再加上都見到佢都提供好多種類嘅套餐，唔想煩可以直接叫都係一個幾好嘅選擇~下次再去小編都想試下佢哋嘅象拔蚌同白胡椒豬肚雞，聽到啲店員講都係主打才菜式，好似好吸引咁haha

椰子雞鍋嘅椰子雞好明顯食得出係走地雞，因為雞肉食落去係較有咬口，但肉質係好彈牙同爽口。同埋配埋椰子雞湯食落都有好重椰子嘅香味，配埋混醬 (一定要加青檸) 味道會更提鮮~最後食完打邊爐之前記得要飲啖湯，好清甜，真係好正！

1

牛肉賣相已經夠吸引，套餐嚟講呢個份量就啱啱好，唔使驚太多食唔晒。個人覺得牛花亦都肥瘦分明，食落好有口感，同埋真係好嫩，肉味夠濃。🙌🏻

呢間主打椰子雞同打邊爐之外，佢哋嘅煲仔飯絕對令小編夠晒驚喜。臘腸唔會太肥亦都唔係太瘦，排骨嘅肉質咬落去舊舊都好冧。最重要係撈埋嚟食好似食極都仲有咁，夠晒足料。🤣

🥬時令蔬菜  &  🥟自家製韭菜餃

🍄野生竹笙 $108  &  🦐🦑手作蝦滑拼墨魚滑 $78

1

呢個響鈴有兩種食法，除左淥之外，佢仲可以直接點甜酸醬食都夠滋味！因為真係即叫即炸，所以真係夠晒熱辣辣，小編覺得呢個一定要試下，真係幾鬆脆。🙌🏻

$48

🦴牛骨髓 $45   &  🦪廣島蚝 $88  &  🐟江南魚腐 $45