熊拉麵 (白加士街)

营业中

休息中

星期四夜晚去到佐敦諗唔到食咩好，想食啲濕濕地有湯嘅野，見到拉麵店門口都算冇乜人排隊，應該唔洗等好耐就揀左熊拉麵。叫左魚介熊拉麵($97)，因為見佢係魚介豚骨湯，應該會鮮啲香濃啲，可以揀梅頭瘦叉燒、火炙肥叉燒或者角切叉燒粒。麵可以揀1.25mm幼麵或者1.5mm粗麵。個人喜歡梅頭瘦叉燒多啲，麵就食開粗麵，因為覺得冇咁易食到最後淋晒。半熟玉子好有醬油香味，流心嘅，對我黎講除左個湯底之外，蛋都係拉麵嘅主角。個湯香濃得黎唔會飲到好口渴，忍唔住食一啖麵飲一啖湯。除左個拉麵仲叫左2個小食，芝士魚肉條($36)炸到好香口，啲芝士都好多，一口咬落去必晒出黎。熊自家製餃子($48)有5隻，但味道就一般，個皮有啲太厚，個味比較清淡，價錢略貴。整體黎講依間拉麵中上水準，只係個冷氣唔太夠凍，食食下見到對面個男人大汗踏細汗，滴晒落碗麵度🫣