麥記美食 (景文樓)

营业中

休息中

今日晏晝去朋友屋企附近拎野，係北角果邊，順便佢話帶我去食有間好出名米芝蓮小店。原來係我之前都有食過好出名生煎鍋貼同生煎包。我哋叫咗兩個套餐，一個係鴛鴦餐同麻辣紅油抄手餐🩷🩷🩷🩷🩷都好好食，同埋好足料。鴛鴦餐係有鍋貼四隻同埋生煎包四隻再加一碗酸辣湯同埋一支豆漿。而麻辣紅油抄手餐，除咗有紅油抄手之外，仲有三隻鍋貼同埋一支豆漿啱晒我同朋友share食。佢個鍋貼同生煎包真係外脆內軟，而且餡料好足，同埋又有湯汁。同埋佢個抄手鄙薄餡靚再加咗啲醃料喺面好香。佢酸辣湯材料都好豐富，味道都好夠正宗。嗰兩支豆漿都好飲，豆味香濃。冇諗過喺呢附近都開咗，回味無窮。