玉桃軒酒家 (鱷魚恤中心)

营业中

休息中

好耐冇試過夜晚去酒樓叫餸食飯啦，原來而加酒樓都有北京填鴨食，仲要價錢相宜!位於觀塘嘅玉桃軒，座位都幾寬敞，樓底都幾高，裝修光猛華麗!餐牌上有多款菜式可以選擇，而且仲有晚市優惠!京式片皮鴨，估唔到佢地嘅片皮鴨咁好食，侍應會係我地面前即席片皮，鴨皮脆口，但又唔會好肥，用上薄皮包住鴨皮、鴨肉、青瓜、京蔥絲，再加埋片皮鴨醬，食到鴨皮嘅juicy，又食到鴨肉嘅嫩滑，再加埋青瓜嘅爽甜同埋京蔥嘅辣口，一啖食落去多重感覺刺激味蕾!清蒸沙巴龍躉，好耐冇係酒樓食清蒸魚，龍躉唔算好大條，但係魚肉嫩滑，魚皮煙韌！鮮蟲草花蒸雞，蒸雞雞肉嫩滑，雞件唔會太多骨，份量唔少，用黎送飯一流！清炒油麥菜，油麥菜炒得有鑊氣，唔會用上太多油去炒，食落口感脆口清新！