龍泉冰廳

下班後出銅鑼灣剪髮，髮型師要八點先有位，咁岩老豆出開灣仔買野，可以過黎銅鑼灣陪我食個飯🥰，就同老豆簡簡單單到《龍泉冰廳》食佢最鐘意既小菜客飯，估唔到地段咁貴的銅鑼灣，居然有間咁經濟既餐廳，蒸左一條黃立倉($85)，勝瓜雲耳炒蝦球($75)，燒汁什菌茄子炒牛柳粒($80)，再加多碟菜心($25)，仲要叫埋兩杯特飲，跟埋例湯白飯，埋單都只係290元，超抵食👍🏻，例湯是青紅蘿蔔湯，非常清甜，小菜炒得很夠鑊氣，蒸魚時間控制得恰到好處，非常鮮甜香滑😋，我也很久沒有吃蒸魚了。

5