➖➖➖➖➖
出嚟旺角食飯永遠都諗餐死 有時喺朗豪坊想食啲平嘢都唔知食乜好🙈 男仔有時想去茶記食公仔麵 但係女士有可能想食啲特別啲嘅😵 咁啱有次見到朗豪坊地庫嘅位置開咗呢一間筷趣一町 見佢主打食公仔麵但係又有啲好得意嘅款式就試吓🤩
美味指數 😋: ⭐️⭐️⭐️⭐️
環境指數 🏖: ⭐️⭐️⭐️⭐️
服務態度 👨🏼🍳: ⭐️⭐️⭐️⭐️
翻兜指數 💫: ⭐️⭐️⭐️⭐️⭐️
(五粒星為滿分💯)
🔸 沙嗲牛肉即食麵 $58
完全係男人最愛🤤 但係佢又整得好fancy 令到成件事好似食緊日本拉麵咁🤭 佢嘅湯底都好濃郁 而且佢嘅沙嗲牛肉一啲都唔鞋仲要係幾淋添 麵質都係正常 都真係算係一碗唔錯嘅沙嗲牛😋
🔸 自選雙拼 炸雞翼加溏心蛋 $48
認真呢個真係好抵食 平時出去普通茶記可能都要呢個價🤑 湯底方面其實有得揀龍蝦湯不過咁岩冇晒喊出嚟😭 炸雞翼同個蛋都係正常嘢🤔 不過勝在佢嘅裝潢同一般茶記唔同 感覺高級啲之餘價錢亦都唔貴 小編係真心覺得正😎
✨ 意式鮮海蝦炒即食麵 配 香草龍蝦蕃茄汁 $88
嚟到當然都要試吓啲特別野嘅🤭 呢個食落佢嘅口感其實幾得意 本來感覺應該要係意大利粉變咗即食麵 其實係冇想像中咁夾😂 佢嘅蕃茄汁未算好濃郁 而且見到佢都有啲芝士 不過如果再多啲芝士就更好 可以令成件事昇華🤔 至於海蝦方面其實都唔少 有大概三至四隻🦐 雖然呢個幾特別值得一試嘅 不過說到底可以的話 我都會係想食傳統公仔麵🍜😎
✨ 凍藍天酸乳酪梳打 $46
飲品嚟講其實佢算貴 不過佢真係幾好飲🤭 飲落酸酸甜甜 絕對可以中和返非常濃味嘅即食麵 推薦大家試吓呢杯嘢飲😙
💰Total: $240
✅ 其實我覺得佢非常有新意思 將即食麵整成好多種唔同嘅款式🤤 男人想食傳統即食麵 女人又想食一啲特別打卡嘅話 呢間真係啱晒🤩 而且環境同埋服務質素都唔差 價錢又平喎真係一定會回頭😍
💡溫馨提示💡點餐嘅話係需要出去counter自己點嘅 但係點完之後就會有專人送去你枱面😙 如果大家唔叫嘢飲嘅話都可以自己去拎水飲㗎！
1
