😋 貓貓最中意餅沙律 ~「最中餅」做成招財貓造型好可愛，一上枱就好吸睛！入面係蟹肉沙律，底層仲有紫薯，餐前小食開胃一流！
😋 唐揚河蝦仔 ~ 河蝦仔細細隻炸得好香脆，送酒 perfect！
😋 煳麻唐揚炸雞 ~ 呢個真係驚喜！炸雞炸到金黃色，但保持肉質鮮嫩，配埋「兩姊妹涼皮」聯乘嘅煳麻醬，夠晒香口惹味，食完仲想 encore！
😋 燒呑拿魚下顎 ~ 呑拿魚下顎脂肪豐富，燒到微焦，好重油香，食到最尾連魚骨都好香，呢個真心有驚喜！
😋 炭燒頂級肉眼 ~ 肉眼燒到 rare 啱晒我，肉質鮮嫩，肉汁又鎖得好，牛味濃郁，另一個必食推介！
😋 燒明太子飯團 ~ 外層燒到微脆，入面飯粒煙韌，明太子鹹香夠味。
😋 雞白湯烏冬 ~ 湯底濃郁但唔滯，雞味突出，烏冬滑溜，吸晒湯汁，每啖都暖笠笠，好適合尾段收尾。
記得 keep 好張收據，因爲 30 日內憑單再次消費有七折優惠，餐廳每個月都有 promotion，詳情可以留意返佢地 社交平台~
