泰皇閣泰國菜館

营业中

休息中

1）入座後坐了成大半個鐘，落單後問左幾次想要水，侍應不停叫我地等陣，等到最終我地要自己去便利店買枝裝水去餐廳。埋單時，同侍廳反映返，仲串我地話「我地無收加一，所以無水」其你一早講係唔提供係無問題，唔好話等等等，等到最後仲串串貢囉！2）上菜極慢慢慢慢，差不多等了1個鐘先上到3道，人手極度不足，見全場所有客都呆等同燥晒。上菜次序錯晒，首先來炒飯炒河，再上冷盤前菜，最後上小食（而碟菜係失蹤一個鐘都炒唔到，催單，得到答覆：「我地炒菜同煮其他餸係分開兩個廚！」其實你幾多個廚關我咩事？）錯單又計錯錢，建議大家check單。杯珍多冰都等左一小時都無來到。食物方面，泰東生菜包、菠蘿炒飯都唔錯。蒜茸包係淋嘅無toast過；咖哩軟殼蟹好咸，蟹係蟹毛仔咁細；廚師推介嘅燒牛肉青檸完全無味。總結：受氣、浪費時間等，味道同其他九龍城的泰菜都差唔多，唔係突出。建議大家唔駛來，免得食到一肚氣，食完仲要去附近餐廳搵宵夜食。