影片
更多
2009-07-26
5 浏览
「份子料理」確實無興趣食,只係覺得好奇。見到呢度,二百零蚊,可以係咁椅試吓,無防啦!除左份子料理外,也以波士頓龍蝦作主打。襯早攞晒份子東西先~份子乳酪,好怪。好似擺左好耐,封左朕膜o係面既乳酪。唔知本身隻乳酪唔好味,還是「份子」後,味道好似食左過期/唔新鮮野落肚咁。龍蝦蛋白翅,一粒扁湯丸形狀的「份子蛋白」上,放左暴露空氣中,風乾爽晒的魚翅,+無味龍蝦粒,mixture唔知食左乜,難食。龍蝦魚籽梅麵,梅子味冷麵上,放一粒粒如香珠的「龍蝦魚籽」,食唔到有咩龍蝦味。黑菌龍蝦mousse,終於食到有番D味道既「份子」東西。龍蝦膏味濃得太咸,mousse口感無蛋糕的mousse咁厚身,偏向「份子」特色,泡泡mousse。「份子」係得咁多。然後每人半隻焗龍蝦。過熟,除左無晒鮮味外,鉗開隻蝦鉗,肉都收縮埋。刺身:三文魚、立魚、八爪魚,出奇地ok!尤其立魚,甜甜地,無根。長腳蟹(無味)、凍蝦(無食)、生蠔(大隻,所以有d腥)、無膏花蟹(提唔起興趣食)、翡翠螺(好少出現,我只食到一隻,好食喎!)此次buffet我最欣賞沙律bar,款式多,有機乎絕跡的咖哩沙律!我吃得最多!長通粉沙律也不錯。泰式龍蝦金柚沙
襯早攞晒份子東西先~份子乳酪,好怪。好似擺左好耐,封左朕膜o係面既乳酪。唔知本身隻乳酪唔好味,還是「份子」後,味道好似食左過期/唔新鮮野落肚咁。
龍蝦蛋白翅,一粒扁湯丸形狀的「份子蛋白」上,放左暴露空氣中,風乾爽晒的魚翅,+無味龍蝦粒,mixture唔知食左乜,難食。
龍蝦魚籽梅麵,梅子味冷麵上,放一粒粒如香珠的「龍蝦魚籽」,食唔到有咩龍蝦味。
黑菌龍蝦mousse,終於食到有番D味道既「份子」東西。龍蝦膏味濃得太咸,mousse口感無蛋糕的mousse咁厚身,偏向「份子」特色,泡泡mousse。
「份子」係得咁多。然後每人半隻焗龍蝦。過熟,除左無晒鮮味外,鉗開隻蝦鉗,肉都收縮埋。
刺身:三文魚、立魚、八爪魚,出奇地ok!尤其立魚,甜甜地,無根。
長腳蟹(無味)、凍蝦(無食)、生蠔(大隻,所以有d腥)、無膏花蟹(提唔起興趣食)、翡翠螺(好少出現,我只食到一隻,好食喎!)
此次buffet我最欣賞沙律bar,款式多,有機乎絕跡的咖哩沙律!我吃得最多!長通粉沙律也不錯。泰式龍蝦金柚沙律,可惜較辣,其實都味道調得幾好食。紅菜頭乳酪好食,但原來實質的切片紅菜頭,唔o岩我口味、日式茄子沙律(無食)。
意式千層麵,好多絲絲芝士,肉碎都極多,搶晒茄汁味。
無食的東西:忌廉汁三文魚、羅漢上素、炆羊膝(爸爸說,羶羶地,咁大件,食晒都幾勁)、切雞、豬腳薑、車仔麵、串燒、燒牛扒/柳?(姊姊說好味喎!)、上湯龍蝦E麵(E麵俾人夾晒,淨番晒龍蝦鉗,鬼咩!?都無肉食既)。
咖哩牛肉(配印度油餅&燒餅),無甚特別,不過用牛肉片,而非牛腩/牛骨肉來煮咖哩汁,攪到好似食茶餐廳的淋汁碟頭飯咁!
龍蝦海鮮湯,重蝦膏味,唔見有咩海鮮,唔太好味。
炸「蟹」鉗,「身形」見到咁”shirt”都唔期望真係蟹肉,蝦膠好leh….?哼!開胃了!內裡是魚蛋咋!一啖即棄。
一睇甜品bar都預期到,唔掂。要食靚甜品,真係要去起碼五星酒店才食到。
芒果黑糯米,落糖太重手。
Cheese cake,乾身左d,所以”鞋”口。
杏仁慕思,口浮浮慕思, 一望即知expected。
荔枝黑加倫子啫喱,無難度,所以唯一的好食。
芒果布甸杯(無食)爸爸說,無芒果味,唔質地又似布甸。
法式燉蛋,唔滑,因為佢都唔係燉蛋水準~
杏仁豆腐,難食,杏仁粉+魚膠粉開水。
水果,最好食,尤其菠蘿!超甜唔澀口。其餘仲有西瓜、哈蜜瓜。
侍應說,甜品會不斷轉,Oh!No…..我只見到,好早已唔refill食物喇,食物無晒,搬走左隻碟,係無野返番來law!,好無引。
(用左報紙coupon,如果原價食,就唔抵啦!)
张贴
