放題價錢由$228-$438 ，我地點了200日澳洲穀飼牛肉放題$298，而且以家餐廳慶祝6周年，星期一至日惠顧任何放題包任飲啤酒、清酒及梅酒，超級抵。
餐廳全部都係自助式，自助吧多達二十多款配料可以選擇，除了配料亦有沙律、甜品、飲品、雪糕、十款日式小食，無限任飲任食。
湯底有八款選擇，我地簡左北海道3.7牛乳牛骨湯。
一坐底，侍應好快送上日式北海道雞片、白豚肉、美國特級牛頸脊肉、特級美國穀飼牛，200日澳洲穀飼牛肉，每款肉類都切得厚薄適中，其中200日澳洲穀飼牛肉切得大大片，牛肉味濃，好軟腍，encore 左好多盤。
日式小食放題有十多款，我地點了幾款
吉列帆立貝、日本一口芝士、日式餃子、唐揚魷魚咀，新鮮熱辣辣炸起，炸得剛剛好。
炸物區自己炸物自己炸，已經串好一串串，沾上粉漿，再沾上米糠，再放入去炸就得啦，最後炸完可加不同調味粉，好玩又好食。
打完邊爐，當然要食甜品同雪糕，好鐘意以到雪糕細細粒細細杯，可以食多幾款。
最後埋完單，會每人送一杯意式雪糕。
