牛摩 (屯門時代廣場南翼)

营业中

休息中

同朋友食飯傾計，又兩個女仔好耐無見，想搵間可以坐得耐既餐廳吹下水，唔想咁快俾人趕走😆就唸起牛摩打邊爐啦！依家仲要做緊優惠😍火鍋放題任食3小時，享用3小時優惠以正價計算，但人均滿250就得啦，所以都好抵食架👍👍今次同朋友揀左LV4特級牛小扒x安格斯牛肉餐，仲有我最鍾意既一人一鍋。湯底方面揀左豚骨湯底 & 壽喜燒，兩款湯底同牛肉都好夾😋一開始就會比左牛肉我地食先, 試下邊隻最岩食，我最推薦緊係特級牛小排啦👍👍LV4特級牛小扒真係好滑嫩，每一啖都充滿肉汁，牛味都幾濃郁，雪花都幾均勻，我係瘋狂encore呢碟🤣🤣牛肌腹亦都係我推介之一，肉汁好滑，烚一烚肉味就已經出哂黎。仲有安格斯牛肉都係必點呀，雪花又係好靚，比較有口感，牛味好重，咬落去啲肉香真係好滿足除咗牛肉，仲有好多海鮮、肉類、蔬菜任你拎，仲有自助醬料區，燒汁、麻醬、蒜蓉辣醬都有，自己調一啲獨家秘製醬料，食落更正！小食估唔到都有好多款式，炸蟹鉗，炸餃子章魚燒炸洋蔥圈，質素都唔錯㗎最緊要嘅係，價錢都算合理，性價比高，啱哂一家大細或者朋友聚餐。如果你喺屯門又鍾意打邊爐，呢間「牛摩」真係唔可以錯過！