牛摩 (屯門時代廣場南翼)

今日朋友带我嚟到屯门呢间 牛摩 依家做紧优惠3小时任食🤩 套餐以正价计算人均满$250就可以享用呢个优惠～ 终于可以慢慢食慢慢打边炉😌 一早book咗位去到就入得👍🏻 拎位嘅时候就拣埋要边个套餐 咁我哋就拣咗LV4 特级牛小排 再拣埋汤底 一人一锅可以拣两个汤底😬 我哋就拣咗 麻辣鸭血汤 同埋 博多美人骨胶原鸡白汤 等紧汤底嚟嘅时候就出去拎定啲蔬菜、沙律、小食、饮品等等 竟然仲有成部爆谷机🤩 焦糖爆谷🍿过下口瘾～ 更估唔到嘅系有鸡蛋仔😆 仲见到成盘三文鱼寿司🍣 仲要系啱啱拎出嚟😍 QR code自助落单 嘢食好快就到啦～海鲜类我哋试咗 帆立贝、鱿鱼圈、蟹籽墨鱼滑 中间𠮶粒系芝士牛肉贡丸 好有惊喜！中间系满满芝士 食嘅时候小心辣亲🤭 鸡肉滑嫩啖啖肉 用麻辣鸭血汤 整咗个麻辣鸡 几好食😋 炸物都有唔少选择😬腐皮虾宝、紫金地瓜丸、炸鸡块配芥末沙律酱、炸蟹钳、鸡软骨、日式章鱼烧、日式饺子、炸生蚝 全部都系炸起就拎上枱 热辣辣同埋脆口又唔油👍🏻特别推荐 日本一口芝士 芝士味超级浓郁😍 喜欢食芝士一定大爱！ 肉类方面 牛小排、牛肩胛、牛肌腹 仲有豚梅猪、羊卷肉 全部都切得平均薄身 基本上渌几秒就已经食得👍🏻最推荐一定系牛小排😇 肉质滑嫩 牛味浓郁 油脂分布算平均 配麻辣汤底或者骨胶原鸡白汤都好夹😋 食到尾声梗系食甜品😗 系好耐冇食过嘅萝卜臣啫喱😆 回忆满满！最有惊喜反而系呢个糯米糍 烟靭软糯嘅口感😋 打边炉最后一定系用雪糕收尾🤭 牛奶味雪糕 加咗蜜糖星星成个雪糕升华咗🤩 完美～ 整体嚟讲 呢间 牛摩 环境舒适 店员服务态度好 食物质素不错 3小时任食呢个优惠真系好适合食嘢速度唔系好快嘅人😋 钟意打边炉嘅真系要嚟试吓😊…查看更多

今次同班朋友去咗「牛摩」打边炉，试咗两款汤底同几款肉，真心有惊喜。佢哋嘅汤底同牛肉质素，绝对对得住个价钱，系会令人想再encore嘅。讲到汤底，绝对系成餐饭嘅灵魂所在。 我哋叫咗双拼，分别系「金汤酸菜鱼汤底」同「港式沙嗲汤底」。个金汤酸菜鱼汤底确实唔错，汤色金黄，酸菜够爽脆，酸中带微辣，非常开胃，用佢嚟渌啲油份重啲嘅牛肉，可以起到好好嘅平衡作用。不过，全晚最高分嘅，一定系个「港式沙嗲汤底」。一上台已经闻到浓郁嘅花生同香料香气，味道香醇又唔会死咸，挂喺每一件食物上面，真系唔使点任何酱油都已经好好味，充满港式风味，系个汤底本身已经可以当半道菜嚟欣赏。至于肉类方面，我哋试咗几款，款款都有特色。「极品牛肉眼」嘅油脂分布好似大理石纹咁靓，轻轻一渌，入口即化，牛油香充满成个口，系当晚最邪恶又最满足嘅一款。「牛肩胛」就肉味比较浓，口感实在有咬口，适合钟意实在肉感嘅人。「牛腹胸」就肥瘦均匀，口感滑溜，油脂感丰富，用酸菜汤渌就刚刚好，可以减低油腻感。另外我哋仲试咗「阿古猪豚肉」，猪肉片切得薄薄哋，渌熟后肉质爽滑，一啲都唔嚡，同浓味嘅沙嗲汤底非常之夹。总括来讲，「牛摩」俾我嘅印象相当唔错。佢个沙嗲汤底绝对系必食之选，而牛肉嘅质素亦相当有保证。如果你系沙嗲控或者牛魔王，呢度绝对值得你嚟试一试，相信唔会令你失望。…查看更多

天气开始转凉🍂，最啱做啲咩？梗系打边炉啦！喂喂喂！各位牛魔王注意！你哋嘅超级食家今次带大家去到火锅界嘅天堂——牛摩！准备好同我一齐疯狂食牛未？Let's GOOOO！🐮🔥一坐低，我哋即刻拣咗两个汤底！首先系近期大热嘅金汤酸菜鱼汤底🐟🌶️！个汤底金黄色泽，未食已经闻到好香嘅酸菜味，酸酸辣辣超级开胃！忍唔住即刻饮咗一啖，哗！醒神晒！🤩 另外一个我哋拣咗稳阵嘅豚骨汤🐷🦴，奶白色嘅汤底，味道浓郁醇厚，用嚟涮肉最能够食到食材嘅原汁原味！一酸一浓，呢个鸳鸯锅组合简直完美！好啦，戏肉嚟啦！睇下碟极品牛肉眼🥩！你睇下啲雪花纹理❄️，分布得几咁均匀！简直系艺术品！放落个汤度轻轻涮几秒，变粉红色就即刻食得！一啖入口，哗！啲牛油香喺口腔爆发，肉质嫩滑到几乎入口即溶！🤤 牛味浓郁到不得了，真系食几多碟都唔够喉！💯跟住仲有牛肩胛同 牛腹胸！牛肩胛肉味十足，带少少咬口，愈嚼愈有牛味！而牛腹胸就肥瘦相间，油香丰富，口感软腍，索晒啲汤汁之后真系超正！👍食完牛，都要试下啲猪！阿古猪豚肉🐷绝对有惊喜！肉质特别爽口弹牙，完全冇平时猪肉嘅臊味，反而带阵阵鲜甜味。无论放落酸菜鱼汤定豚骨汤都一样咁夹，超好食！总括嚟讲，牛摩真系牛魔王嘅天堂！😍 汤底有特色，肉类质素高，仲要系任食，CP值高到爆灯！无论你系想食酸辣开胃，定系想品尝牛肉原汁原味，呢度都可以满足到你！…查看更多

牛摩系我想食牛肉火锅就会念起既地方，原来朋友仲未食过，就带佢过黎屯门分店试下新出既卜卜蚬汤底😋今次我两个都叫左牛摩新出既 “任食卜卜蚬+特选牛肉100分钟火锅放题”，呢个优惠几抵，汤底卜卜蚬仲可以任点任加，所以汤底KEPP住超鲜甜，滚起有「卜卜声」开壳声添🤣🤣我地两个都系牛控，所以主攻牛肉，其中有几款系比较推荐👍🔸牛肩胛: 最推荐，脂肪纹均匀，渌10秒嫩滑唔韧🔸牛肌腹: 牛油香浓但唔腻，配卜卜蚬汤鲜上加鲜🔸牛肉眼: 厚切有咬口，肉味最浓另外火锅配料任拎超过30款，好多选择!而炸物就有炸蟹钳、鸡皮饺子、洋葱圈等，岩哂唔同朋友仔口味。饮品选择都唔少，连生啤都有架!!最吸晴系仲有小朋友最爱既爆谷机同雪糕机，岩哂一家大细黎食😍呢个价钱可以食到靓牛＋无限蚬＋寿司爆谷雪糕，性价比真系几高…查看更多

继上星期台风袭港后连场暴雨，气温一早一晚清凉了不少。除咗要带多件外套怕冻亲之外，凉凉地去打边炉就最正。餐厅位于屯门时代广场南翼，港铁站步行约五分钟就到，地点非常方便。用餐时间系星期二晚上八点左右，餐厅都几乎满座，建议想食早订位较好。- 任食卜卜蚬+特选牛肉100分钟火锅放题卜卜蚬火锅一上台已经香气扑鼻！火锅是用新鲜的沙白蚬为主，配上鲜味的海鲜汤底，汤汁呈现金黄色，味道鲜味浓郁，不需额外调味都很鲜味！而蚬肉饱满肥美，没什么沙子残留，处理得相当干净！如果嫌卜卜蚬唔够喉，仲可以无限任加，再叫再食，食足100分钟！- 麻辣鸭血汤（细）⁺¹⁰麻辣汤底麻香四溢，鸭血汤味道辛辣与鲜味，搭配适量的辣椒，带来一阵刺激的麻辣感。汤色浓郁，底味丰富，非常适合无辣不欢的朋友享用！- 牛肩胛肉特别推荐特选牛肩胛，牛肩胛肉质新鲜且嫩滑，丰富的油花和口感有嚼劲，层次十足！个人喜欢配上麻辣鸭血汤底，牛肉吸收汤汁后味道更浓郁，还带来一阵阵麻辣刺激！另外火锅配料任点任拎超过30款，还有人气小食！火锅吃到最后当然是不能缺的甜品。甜品真的应有尽有，有雪条、雪糕，爆谷等等。连装甜品的第二个胃都满足埋，很赞的喔！整体餐厅评分很高。餐厅环境阔落舒适，枱与枱距离充足。店员服务态度好又够细心，食材新鲜，款式又够多样化，唔止有新鲜火锅配料，仲有寿司、日式小食等等。以任食火锅来讲，这个价钱算是非常经济的！是间值得推介的火锅餐厅！…查看更多