🐔荃灣西終於都有食雞煲好地方，海之戀嘅鼎家喜筷推出左90分鐘無限添加秘製雞件嘅雞煲放題，套餐包左蔬菜籃一份，入面有粟米、金菇、娃娃菜，蔬菜吸左麻辣味真係不得了
🌶雞煲有得揀Bb辣到大辣，香濃惹味嘅醬汁包滿左每一件雞件。雞件好多肉，食完仲可以再添。
食完雞煲仲可以加湯打邊爐。我地加左兩個餸:
🐑紐西蘭羊肉片 $98
羊肉肥瘦平均，淡淡羊羶味，加埋麻辣雞煲味，係唔錯嘅配搭
🌊珊瑚蚌 $68
呢個真係超抵食，珊瑚蚌份量好多，而且好新鮮，淥完都仲好爽口
🌼+$28 任飲菊花薏米同檸檬洛神，兩樣都夠晒清熱又健康，菊花薏米個菊花香味好清香，啱晒夏天同食辣野飲！
餐廳仲有好多其他中菜菜式，要下次先再食到！
