上海新大眾大閘蟹專門店

营业中

休息中

餐廳位於黃大仙，主打任飲任食烤魚、雞煲、羊腩煲、串燒、炸物、一品料理等，分為90、100同120分鐘，食物餐牌會有少少唔同。若選擇120分鐘套餐更提供任食蟹粉類產品，性價比甚高。必點之選有瀑布蟹黄金撈麵、蟹粉扒時蔬同蟹粉香煎墨魚餅，醬汁夠多，鮮甜可口 ，足以撈、蟹粉小籠包熱辣辣，咬落爆汁，要小心食、蟹黄金燒賣原來係皮包糯米飯，一粒都好飽肚，但煙煙韌韌咁幾好食。蟹黄鵝肝炒飯帶淡淡香氣，費事浪費，所以特登叫佢哋煮少啲🤪芝士雞煲咋咋聲，芝士味唔算好濃，雞件多到誇張，啖啖肉，上面嗰層先係重點、羊腩煲反而有驚喜，入味且唔嚡口，好彩有叫！炸物同一品料理即叫即整，印象深刻而又會Encore嘅有蟹肉忌廉薯餅、吉列虎蝦、吉列蟹腿肉棒、鹽酥雞。私心推介黄金炸饅頭、香芋地瓜丸、靚燉湯頭同三文魚鰭。而串燒有七款，牛肉、五花腩、雞腿肉、雞皮、雞腎、羊肉，牛油小串好少見，帶咬口，好油，試試無妨。值得一提嘅係夜晚五點後全場爆滿，出邊額外搭多幾張枱都唔夠位，想食嘅建議提早預約。