3
LV4「日本A4和牛海鮮放題套餐」$688
今次揀選嘅LV4套餐可免費暢欲日本清酒及SAPPORO生啤，叫咗SAPPORO生啤，苦味明顯，略帶回甘，配搭燒肉一齊食整好解膩
一坐低餐廳就送上日本佐賀的A4和牛盒盛：一共有6款來自日本佐賀的A4和牛部位，包括有和牛三角嫩肌、和牛薄炙牛肋肉、和牛角切、和牛肩胛、和牛小排、和牛牛肋條。A4和牛質素果然有保證，燒完之後油脂感重，口感嫩滑，係高質既和牛。
仲可以落單叫唔同既熱食，比如有蒜粒雞串、水果醬封門柳、孜然雞皮串、椰汁流心球， 值得一提嘅係水果醬封門柳， 一整條封門柳份量十足， 用水果醬汁醃漬過，肉香清甜，質素不比和牛差！
另外LV4套餐係可以無限叫多款海鮮包括大海老、生蠔、原條魷魚筒等等共140款食物。個人最推薦入面嘅照燒帆立貝同原隻鮑魚，肉質彈牙，入口充滿鮮甜味，真係encore 再encore啊
「串爆水果祭」主題美食
最近餐廳做緊串爆水果祭嘅活動，LV4套餐包括有貓山王榴槤刈包、椰青糯米糍、D24榴槤糯米糍、榴槤炸彈，榴槤清香濃郁，作為燒肉期間既食品正好可以轉換口味
餐廳對出有自助吧，除咗某啲熱食比如雜菜炒牛肉、檸檬雞翼、蘿蔔牛腩，另一邊有炸春捲、炸薯條等炸物；蔬菜類同埋嘢飲都係可以喺自助吧嗰度搵到， 仲有自助雪糕機可以唧到之雪糕出嚟！
1
